10341-10350

daz ir an vröuden sint verzagt.

ir hânt mîns vater hort bejagt

und alle sîne rîcheit.

ich meine daz guldîne cleit,

daz an im der wider truoc,

daz wære iu nû gemæze gnuoc,

daz ir niht trûric wærent

und iuwer clage verbærent,

diu mir gît jâmer unde nôt.‹

Jâson der rede antwürte bôt

dass ihr alle Freude habt fahren lassen.

Ihr habt den Schatz meines Vaters erjagt

und all seinen Reichtum.

Ich denke doch, dass das goldene Kleid,

das der Widder getragen hat,

euch genügen sollte,

um nicht traurig zu sein 

und um eurer Seufzen zu unterlassen,

das mir Schmerzen und Qual bereitet.‹

Jason antwortete auf diese Worte

10331-10340

daz man iuch trûric vinden sol?

nû mügent ir doch iemer wol

von wâren schulden sîn gemeit,

sît iuwer hant die werdikeit

aleine hât ervohten,

die niht erstrîten mohten

mit ir kreften alle man.

kein ritter nie sô vil gewan

êren unde wirde als ir.

dâ von sô missevellet mir,

dass man euch traurig antrifft?

Dabei könntet ihr doch von nun an

aus guten Gründen fröhlich sein,

da ihr allein, mit eigener Hand,

das Ansehen erkämpft habt,

das alle anderen Männer

mit ihrer Stärke nicht hatten erkämpfen können. 

Kein Ritter hat je so viel

Ansehen und Würde erlangt wie ihr.

Deshalb finde ich es nicht gut, 

10321-10330

und niht sîn vater vröute sich

von sîner wirde lobelich

und durch sîn gelücke hôch.

von herzen holt er unde zôch

siufzen vil an eime tage.

nû daz Mêdêâ sîne clage

erhôrte und in beswæret vant,

dô sprach diu schœne sâ zehant:

›Herr unde herzelieber man,

wie stât daz iuwern êren an,

und nur sein Vater sich über

seinen vielgerühmten Ruhm 

und sein ihm zugeneigtes Schicksal nicht freute. 

Viele Seufzer holte und zog er 

eines Tages aus seinem Herzen.

Als nun Medea sein Seufzen hörte

und ihn traurig antraf,

da sagte die Schöne sogleich:

›Herr und von Herzen geliebter Mann,

wie passt das zu eurem Ruhm,

10311-10320

vil kûme leit vrœlich gemach.

Jâson und als er daz gesach,

daz er sô cranc von alter was

und er niht vröuden an sich las

durch die vil hôhen êre sîn,

dô truoc er drumbe swæren pîn

und inneclichen smerzen.

in muote in sînem herzen,

daz alle Kriechen wâren dô

von sîner sigenüfte vrô,

wurde von der allgemeinen Fröhlichkeit nicht erfasst.

Als nun Jason gesehen hatte,

dass er durch das Alter so geschwächt war

und durch seinen großen Ruhm

keine Freude empfand,

da ergriff ihn großes Leid

und der Schmerz traf ihn im Innersten.

In bekümmerte von Herzen,

dass gerade alle Griechen

über seine Erfolge glücklich waren  

10301-10310

Êson verdulden bî der zît,

dô man sich vröute enwiderstrît

dur sînes kindes êre.

diu tempel wurden sêre

mit opfer dâ gezieret.

dâ wart gefestivieret

mit kerzen und mit sange wol.

dur in wart kurzewîle vol

arm unde rîch gemeine,

wan daz sîn vater eine

zu dieser Zeit,

als man sich wegen des Ruhms seines Kindes

um die Wette freute. 

Da wurden die Tempel

mit vielen Opfern bedacht.

Da wurden Feste gefeiert

mit Kerzen und mit Gesang. 

Wegen ihm waren

Arm und Reich ganz vergnügt,

nur allein sein Vater

10291-10300

in unkrefte manic jâr,

wan im daz houbet und daz hâr

von alter wâren grîse

nâch eines mannes wîse,

der lange zît gelebet hât

noch dekeiner wunne rât

ze herzen mac gevazzen.

daz alter vröuden hazzen

von natûre gerne wil;

des mohte keiner hande spil

seit Jahren schon ihre Kraft verloren,

weil ihm Kopf und Haar

durch das Alter grau geworden waren,

so wie das bei Männern ist,

die schon lange leben

und keine Fürsprache der Freude

in ihrem Herzen festhalten können. 

Weil das Alter von Natur aus 

Freude am liebsten verabscheut, 

deshalb konnte Eson keinerlei Vergnügen zulassen,

10281-10290

mit lobelichem schalle.

die liute brâhten alle

den göten opfer und gebet,

dar umbe daz erworben het

ir herre ganze wirdikeit.

dur in was allez daz gemeit

daz ie dâ vröuden wart gewon,

wan daz sîn vater Êson

dekeiner wunne mohte pflegen.

sîn hôchgemüete was gelegen

mit Hilfe der allgegenwärtigen Lobreden.  

Die Leute brachten alle,

weil ihr Herr größtes Ansehen

erworben hatte,

den Göttern Opfer und Gebete dar.

Wegen ihm waren alle glücklich,

die jemals Freude empfanden;

einzig sein Vater Eson

konnte sich nicht freuen.

Seine edle Gesinnung hatte 

10271-10280

und tet niht dem gelîche.

swaz in Jâsônes rîche

was ritter unde frouwen,

die fuoren alle schouwen

den hôhen werden prîsant,

den gefüeret in daz lant

der helt des mâles hæte.

prîs unde wirde stæte

wart im erboten mit genuht.

er sneit vil hôher êren fruht

und zeigte es nicht nach außen. 

Alle Ritter und Damen,

die es in Jasons Reich gab,

die kamen, um 

die wichtige, wertvolle Trophäe zu sehen,

die der Held jüngst

in das Land gebracht hatte.

Lob und ewiges Ansehen

wurde ihm in Hülle und Fülle zuerkannt.

Er erreichte die Früchte eines hoch hinaufragenden Ansehens

10261-10270

daz er geworben hete alsus.

sîn veter künic Pêleus

erbunde in dirre wirde.

daz er nâch sîner girde

gelac niht under wegen tôt,

daz was sîn allermeistiu nôt

an herzen und an sinne.

er truoc im kranke minne

und was im âne schult gehaz.

doch hal er tougenlichen daz

dass ihm das alles gelungen war. 

Sein Onkel, König Peleus,

ersparte ihm diese Hochachtung.

Dass er nicht, so wie er es gewollt hatte,

unterwegs getötet worden war,

das war sein größter Kummer,

der sein Fühlen und Denken belastete.  

Er empfand ihm gegenüber nur wenig Zuneigung

und hasste ihn, ohne Grund.

Doch das hielt er sorgsam verborgen

10251-10260

der Êson was geheizen.

in sînes landes creizen

vröute sich vil manic lîp;

alt unde junc, man unde wîp

von sîner künfte wâren geil.

si dûhte ob aller sælde ein heil,

daz er den schæper ûz erkorn

und eine frouwen hôchgeborn

mit sînen kreften hete erstriten.

doch wart er anderswâ geniten,

der Eson hieß. 

Überall in seinem Land

freuten sich die Menschen –

Alt und Jung, Männer und Frauen

waren froh über seine Rückkehr.

Ihnen schien es der größte Segen von allen zu sein,

dass er das außergewöhnliche Vlies

und eine adelige Frau

mit seiner Kraft erobert hatte. 

Doch wurde er anderswo darum beneidet,

10241-10250

gerechen möhte bî den tagen.

sîn râche diu wart undertragen

mit eime tôde bitterlich.

nû merkent, wie daz hüebe sich.

Er was ze Kriechen schiere komen,

und dô sîn kunft wart dâ vernomen,

dô wart enphangen er sô wol,

daz man enphâhen niemer sol

baz dekeinen künic doch.

sîn vater lebte dennoch,

das Leben genommen. 

Seine Rache wurde 

von einem bitteren Tod durchkreuzt.

Passt nun auf, wie das geschah.

Er war bald nach Griechenland gekommen

und als man dort von seiner Ankunft hörte,

da wurde er so gut empfangen,

dass man nie wieder einen 

König besser empfangen wird.

Damals lebte noch sein Vater,

10231-10240

als ich dâ vorne sagete.

daz er si dannen jagete,

daz lac in allez inne.

daz im ein grôz unminne

erboten würde von in zwein,

des wâren si beid über ein

mit triuwen und mit eiden komen.

doch wart daz leben ê benomen

Jâsône, des geloubent mir,

ê daz er sich nâch sîner gir

wovon ich dort vorne erzählt habe. 

Dass er sie davongejagt hatte,

das hatten sie nicht vergessen.

Und dass ihm ein erhebliches Unbehagen

durch sie beide zuteil werden müsse,

dass beschlossen sie beide

im Vertrauen auf die Treue des jeweils anderen und mit Eiden.

Doch wurde Jason, glaubt mir das,

noch ehe er sich damals, so wie er es wollte, 

rächen konnte,

[Für die Übersetzung von V. 10233 müsste ich mir vielleicht Parallelstellen heraussuchen; meine Übersetzung ist eine Vermutung.]

10221-10230

als ir gehœrent wol her nâch.

im wart zuo sîme lande gâch,

dâ streich er hin mit stæter ger,

wan Hercules sîn mâc und er

wurden in gedenke brâht,

und wâren ûf den sin verdâht,

wie si geræchen beide ir leit

und die vil hôhen smâheit,

die ze Troye vor der stete

in Lâmedon der künic tete,

was euch gleich noch genau erzählt werden wird.

Er hatte es eilig, in sein Land zu kommen,

und dorthin zog er mit festem Willen,

doch fingen Herkules, sein Verwandter, und er,

an, sich Gedanken zu machen,

und fragten sich immer wieder,

wie sie sowohl ihr Leid als auch

die überaus große Schande rächen könnten,

die ihnen Lamedon, der König,

zu Troja vor der Stadt, zugefügt hatte,

10211-10220

wart sît von im verlâzen.

der helt begunde mâzen

triuwen sich engegen ir;

daz wirt iu noch geseit von mir,

ê disiu rede ein ende neme.

swie sêre unstæte missezeme,

doch brach er sîne stætekeit.

sîn tugent nider wart geleit

an der vil küniclichen fruht.

er brach an ir lieb unde zuht,

wurde später von ihm verlassen. 

Der Held fing an, seine

Treue ihr gegenüber zu mäßigen;

ich werde euch davon noch berichten,

bevor diese Erzählung zu einem Ende kommt.

Auch wenn es sich nicht gehört, unzuverlässig zu sein –

er verletzte dennoch seine Treuepflicht.

Seine Tugendhaftigkeit wurde  

dem überaus königlichen Kind entzogen.

Er verletzte ihr gegenüber Regeln der Zuneigung und Erziehung,

10201-10210

beslâfen und geminnet was.

er nam z’ein ander unde las

sîn ingesinde dô zehant

und fuorte gegen Kriechenlant

den schæper und die frouwen sîn.

daz diu getriuwe künigîn

von ir vater schiet dur in

und mit im vuor ze lande hin,

daz was ein übel mære,

wan diu vil tugentbære

geschlafen und Zärtlichkeiten ausgetauscht hatte.

Daraufhin holte und versammelte er

sogleich seine Gefolgsleute

und führte das Vlies und seine edle Dame

gen Griechenland.

Dass sich die treue Königin

wegen ihm von ihrem Vater trennte 

und sich mit ihm auf die Reise begab,

das war ein üble Geschichte,

denn die überaus Ehrenhafte

[Ich gehe davon aus, das die Bedeutung von »geminnet« hier nahe an »beslâfen« grenzt, wobei ich ungern »beschlafen« übersetzen möchte, weil das Wort heute wohl kaum mehr jemand verwendet.]

10191-10200

zer ê gegeben in der stat,

wan er genôte ir vater bat

die vrouwen z’eime wîbe dô.

der bete wart der künic vrô,

wan er in dô gewerte

mit willen des er gerte.

Die vrouwe schœne und ûz erkorn

gap er dem ritter hôchgeborn

ze wîbe und offenlîche z’ê,

diu von im tougenlichen ê

in der Stadt zur Ehefrau gegeben,

weil er eifrig ihren Vater darum bat,

die Dame zu seiner Ehefrau zu machen.

Über diese Bitte zeigte sich der König erfreut,

schließlich hat er ihm damals willentlich 

das zugestanden, was er begehrte.

Die schöne, ausergewöhnliche Frau,

gab er dem hochgeborenen Ritter

zur Frau und verband die beiden – für alle sichtbar – zum Ehebund;

sie, mit der er schon zuvor heimlich

10181-10190

und heten manger hande zal.

si lâgen tougen âne schal

biz ûf gedranc der clâre tac.

Jâson dô langer niht enlac,

er stuont ûf tougenlichen sâ;

dar nâch beleip der fürste dâ

vierzehen tage ân underbint.

des hôchgebornen küniges kint

Mêdêâ diu getriuwe

wart im ân alle riuwe

und viel hatten sie sich zu erzählen.

Sie lagen heimlich beieinander, ohne Lärm zu machen,

bis der helle Tag sich erhob.

Da blieb Jason nicht länger liegen,

sondern stand sogleich leise auf.

Im Anschluss blieb der Fürst

vierzehn Tage ununterbrochen dort. 

Das Kind des hochgeborenen Königs,

die treue Medea,

wurde ihm, ohne dass dies irgendwelchen Kummer verursacht hätte,

10171-10180

sô der vil tugentbære

Jâson benamen wære.

Waz hülfe, ob ich nû seite vil

von manger hôher wunne spil,

daz im dâ z’êren wart getân?

dô man ze bette solde gân,

dô sleich er zuo der vrouwen sîn.

er und diu werde künigîn

mit vröuden al die naht beliben.

die minne si nâch wunsche triben

wie der überaus fähige 

Jason es zweifellos war. 

Was brächte es, wenn ich nun groß

von vielen überaus angenehmen Vergnügungen erzählte,

die ihm zu Ehren dort veranstaltet wurden?

Als man zu Bett zu gehen hatte,

da schlich er zu seiner Dame.

Er und die angesehene Königin

verbrachten freudvoll die Nacht.

Der Liebe gingen sie nach, ganz so wie sie es sich wünschten,