25490-25499

in eime schilte wîz hermîn

wart er von in gefüeret dar.

si beide kâmen liehtgevar

gesprenget ûz ir schiffen.

ir lanzen wol gesliffen

vertâten si mit êren.

man sach si balde kêren

hin zuo dem angestrîchen her,

daz umbeslozzen zuo dem mer

mit wazzer und mit liuten hielt.

In einem hermelinweißen Schild wurde er von ihnen dorthin geführt. Sie beide galoppierten hell glänzend aus ihren Schiffen herbei. Ihre gut geschliffenen Lanzen verstachen sie ehrenvoll. Schon bald sah man, wie sie sich hin zu dem bedrängten Heer wendeten, das beim Meer von Wasser und Leuten eingeschlossen war.  

25480-25489

mit harnasch edel unde fîn

bereit ze strîte wâren.

si gâben unde bâren

dâ mit ir wâpencleide

den ougen liehte weide.

Si kunden wol nâch wirde streben.

ir kovertiure was geweben

ûz sîden unde ir wâpenroc.

ein zobelswarzer steinboc

der was ir zeichen ie gesîn.

die beiden waren mit ihrer edlen und kunstvollen Rüstung zum Kampf bereit. Mit ihren Rüstungen waren sie, die wussten, wie man nach Ansehen strebt, eine Augenweide. Die schützende Decke ihrer Pferde und das Oberkleid über ihren Panzern war aus Seide. Ein Steinbock, schwarz wie Zobel, war schon immer ihr Zeichen gewesen.

25470-25479

der ab den schiffen allen brast,

diu daz wazzer machte vol,

daz man dar über mohte wol

des mâles rîten unde gân.

daz heil den gesten wart getân,

daz si ze lande kâmen

und ir gelende nâmen

sît michel sanfter danne vor.

der werde künic Prothênor

und Archelaus der bruoder sîn

die von all den Schiffen, die das Wasser füllten, herunterstürzte, sodass man darüber dann gut reiten und gehen konnte. Für die Ankömmlinge war das ein großer Vorteil, dass sie an das Land kamen und dass sie viel leichter anlanden konnten als zuvor. Der edle König Prothenor und Archelaus, sein Bruder –

25460-25469

von der vil snelleclichen var,

diu von zwein künigen dô geschach,

die man ze helfe komen sach

den Kriechen bî der selben zît.

von holze wart ein strâze wît

gemachet über an daz stat,

die man dâ reit wol unde trat,

als ob dâ wære ein brücke lanc.

liut unde guotes vil ertranc

und wart versenket manic last,

die durch die eilige Fahrt der zwei Könige, die den Griechen zur Hilfe eilten, von all den zerstörten Schiffen herabstürzten, die dort auf den Meeresboden sanken. Aus dem Holz wurde eine breite Straße gemacht, die an das Ufer führte; und darüber lief und ritt man, als wenn dort eine lange Brücke wäre. Viele Menschen und Dinge verdarben im Wasser und viel Ausrüstung versank, 

25450-25459

si brâchen unde stiezen

die kiele, die dâ stuonden ê,

sô daz sie vielen in den sê

mit hôher und mit rîcher habe.

daz mer gefüllet als ein grabe

wart von dem gerüste grôz,

daz von den schiffen allen schôz

und ab den wîten kielen,

die dâ ze grunde vielen,

dô si zerstôzen wurden gar

Die Schiffe, die dort schon standen, stießen sie zur Seite oder brachen sie entzwei, sodass sie mit ihrer edlen und prächtigen Ladung im Meer versanken. Wie ein Graben wurde das Meer durch die ganze Ausrüstung gefüllt,

25440-25449

dô si die Kriechen bî dem sê

mit nôt begriffen sâhen,

dô liezen si dar gâhen

und dar nâher strîchen.

schier unde snelleclîchen

woltens’ in ze helfe stân.

den schiffen wart sô nôt getân

mit ruodern und mit winde,

daz man si gar geswinde

sach zuo dem lande schiezen.

Als sie sahen, dass die Griechen am Ufer in einer Notlage waren, eilten sie dorthin und gingen dort an Land. Sie hatten es eilig, ihnen zur Hilfe zu kommen. Aus den Schiffen holte man mit den Rudern und Segeln alles heraus, was herauszuholen war, sodass man sehen konnte, wie sie mit großer Geschwindigkeit an das Ufer schossen. 

25430-25439

daz was gewarnet ûf den strît

mit liuten hinden unde vor.

ein künic, der hiez Prothênor,

und Archelaus sîn bruoder,

die brâhten manic fuoder

von ritterschefte dâ ze schaden.

mit ahzic kielen wol geladen

fluzzen si ze lande wert

und heten sêre des gegert,

daz den von Troie würde wê.

das kampfbereit war, mit Männern vorne und hinten. Ein König namens Prothenor und Archelaus, sein Bruder, die brachten viele Fuhren an Rittern, um dort für Verderben zu sorgen. Mit achtzig vollgeladenen Schiffen kam sie an Land und ihr Sinn stand danach, den Trojanern Leid zuzufügen.  

25420-25429

sich hât des maniger an genomen,

daz er Troiære wolte slahen,

der sînes bluotes mangen trahen

verrêrte von ir henden.

dâ lac in allen enden

ross unde liute ein wunder tôt.

nû daz die Kriechen in der nôt

dâ vâhten unde rungen,

dô kam ein her geswungen

ûf dem wazzer aber sît,

Viele von ihnen, die vorhatten, die Trojaner zu erschlagen, verloren nun Ströme an Blut, das durch die Hände ebenjener Trojaner vergossen wurde. Überall lagen Massen von toten Pferden und toten Menschen. Als nun die Griechen dort in großer Bedrängnis kämpften und sich gegen die Gegner warfen, kam alsbald ein Heer über das Wasser heran,

25410-25419

doch vâhten si vil deste mê,

daz si niht vliehen mohten.

vil bezzer was gevohten

denn âne wer gelegen tôt.

daz mer alsam ein lösche rôt

wart von bluote bî dem stade,

wan dâ geschach mortgrimmer schade

ze bêden sîten ûf dem wal.

daz her viel nider âne zal,

daz dô ze lande was bekomen,

Doch kämpften sie umso heftiger, weil sie nicht fliehen konnten, denn besser ist es zu kämpfen als ohne Gegenwehr zugrunde zu gehen. Das Meer wurde am Ufer durch das Blut so rot wie Saffianleder, weil dort auf dem Kampfplatz ein schreckliches Gemetzel stattfand, auf beiden Seiten. Zahllose Männer des Heeres, das dort an Land gegangen war, gingen zu Boden.

25400-25409

vor dem enkunden si niht mê

gewîchen hinder sich noch komen.

sus was in ouch diu fluht genomen

von den von Troie vorne,

die si mit strîtes zorne

dô vâhten grimmeclichen an.

si mohten weder dar noch dan

vor liuten noch vor wâge

in tet mit sîner lâge

der tôt in allen enden wê,

sie deshalb nicht mehr nach hinten ausweichen konnten. Zudem war ihnen auch die Möglichkeit einer Flucht nach vorne durch die Trojaner genommen, die sie mit Kampfeswut und Zorn angriffen. Durch die Leute und die Fluten konnten sie weder dahin noch dorthin; mit seinem Hinterhalt schädigte sie der Tod an allen Ecken und Enden. 

25390-25399

sô daz beslozzen dâ belibe

der Kriechen ritterlichez her.

zwischen Troiæren und dem mer

die geste wurden umbeslagen:

dâ von si muosten alle tragen

sorg unde swære grimmeclich,

wan si niht mohten hinder sich

noch für sich dô gewenken.

ir ougen sâhen swenken

dâ rückeshalp den wilden sê,

Auf diese Weise blieb das Heer der Griechen dort eingeschlossen. Zwischen den Trojanern und dem Meer wurden die Ankömmlinge umzingelt, sodass sie alle Sorgen und schreckliche Not zu ertragen hatten, weil sie weder vor noch zurück konnten. Ihre Augen sahen die Fluten des wilden Meeres in ihrem Rücken, sodass

25380-25389

von sîner vrechen hende. 

Ouch galt er mit den sînen,

die man begunde pînen

mit strîteclicher marter.

dâ wart gevohten harter,

denn ich entsliezen künne.

man seit, daz êr gewünne

Prîant der künic alsô guot,

daz er biz an des wâges fluot

die vînde wider umbetribe,

durch seine tapferen Hände zugrunde. Doch musste er dafür gemeinsam mit seinen Leuten teuer bezahlen, denn sie wurden in diesem Kampf elendig gepeinigt und gemartert. Es wurde dort härter gekämpft als ich es beschreiben kann. Es heißt, dass Priamus, der lobenswerte König, es schaffte, die Feinde bis zurück zum Ufer zu treiben.  

25370-25379

den êrsten, der im dâ bekam,

den valte er ûf des landes griez.

die lanzen stach er unde stiez

im alzehant in sîne brust.

dar nâch vil maniger nam verlust,

den er dâ sît ze tôde sluoc.

mit bluote er jæmerlichen twuoc

kis unde sant. des meres stade

Troiæren gap er z’einem bade,

der maniger nam ein ende

Der erste, den er zu fassen bekam, den warf er auf die Erde nieder, indem er ihm die Lanze kurzerhand in seine Brust stieß. Und auch danach hatten viele gegen ihn das Nachsehen, die er dort mit seinen Schlägen tödlich verwundete. Mit Blut wusch er Kies und Sand – es war ein Jammer! Das Meeresufer machte er zum Bad für die Trojaner; viele von ihnen gingen 

25360-25369

vil manicvalter koste flîz

an dem erwelten künige lac.

biz an den jungestlichen tac

sol man klagen sînen tôt.

er was ein helt in rehter nôt,

daz wart an im des mâles schîn.

der hôchgeborne Sarrazîn

nam sîn ros mit scharpfen sporn:

ûf die von Troie wart im zorn,

wan in was sîn herze gram.

Beim Waffenkleid dieses Königs wurden keine Kosten und Mühen gescheut. Bis an den Jüngsten Tag wird man seinen Tod beklagen. In der größten Not war er ein Held, das konnte man auch in dieser Situation sehen. Der hochedle Sarrazene gab seinem Pferd die scharfen Sporen – sein Zorn war auf die Trojaner gerichtet, denn sie hasste er.

25350-25359

er kam reht als ein lintwurm

geschozzen ûf Troiære dar.

von sîden wunneclich gevar

sîn wâpencleit gebriten was;

ez schein noch grüener denne ein gras

in einem niuwen glanze vrisch.

von golde was vil manic visch

dar ûf geströuwet âne trüge,

der hete vetech, als er flüge,

und wâren die von silber wîz.

Ganz so wie ein Drache kam er auf die Trojaner zugeschossen. Sein Waffenkleid war aus wunderschöner Seide gewoben und leuchtete, grüner noch als Gras, in neuem, frischen Glanz. Zahlreiche Fische waren – glaubt es mir – mit Gold darüber verteilt und sie hatten Flügel, als würden sie fliegen, und sie waren aus weißem Silber. 

25340-25349

erstriten und ervohten

wart dô durliuhteclicher prîs.

Protheselaus der künic wîs

was ûf sîn ors gesezzen,

alsam ein helt vermezzen

kam er gesprenget an daz lant;

er fuorte ein sper an sîner hant

sêr unde wol gespitzet;

sîn herze was erhitzet

ûf einen bitterlichen sturm;

Strahlender Ruhm wurde dort erfochten und erstritten. Protheselaus, der weise König, hatte sein Pferd bestiegen und so, wie man es von einem kühnen Helden erwartet, ritt er ungestüm an Land. Einen Speer hielt er in seiner Hand, der sorgfältig scharf zugespitzt worden war. Er war heiß darauf, einen harten Sturmangriff zu führen. 

25330-25339

sich huop dô jâmer unde nôt

von angestbæren dingen.

dâ wart sô michel dringen

von den schiffen an daz griez,

daz dirre den ze tôde stiez

und jener disen valte nider.

dâ wurden tôtwunde lider

gemachet bêdenthalben,

diu mit dekeiner salben

verheilet werden mohten.

Jammer und Elend breiteten sich durch dieses angsterregende Geschehen aus. Von den Schiffen hin zum Ufer war ein so großes Gedränge, dass hier jemand den anderen in den Tod stieß und dort einer den anderen zu Boden riss. Auf beiden Seiten wurden Körperteile so verwundet, dass sie mit keiner Salbe wieder geheilt werden konnten.

25320-25329

ouch wizzent, daz sich niht vergienc

grôz schade bî der wîle.

die strâlen und die pfîle

die wurden under si gesant.

die regentropfen ûf daz lant

sô dicke nie gevielen,

als ûz der geste kielen

diu schoz ûf die von Troie flugen.

die schützen valten unde zugen

vil manigen in den grimmen tôt:

Macht euch auch klar, dass das große Blutvergießen nicht schon nach einiger Zeit beendet war. Die Pfeile und Geschosse prasselten weiter auf sie nieder. Nie fielen die Regentropfen so dicht auf das Land wie aus den Schiffen der Ankömmlinge die Geschosse auf die Trojaner flogen. Die Schützen fällten zahlreiche Männer und trieben sie in den grimmen Tod.