12701-12710

›ir redent übel,‹ sprach er z’im,

›ich merke daz wol und vernim,

daz ir valsches zîhent mich.

sît ir gesprochen hânt, daz ich

hab iuwer stat verstolen iu,

nû wolte ich ahten umb ein spriu

niht ûf iuwer claffen.

ich wil ze Troye schaffen,

swaz mir gevellet und behaget,

iedoch hânt ir niht wâr gesaget,

›Eure Rede ist bösartig‹, sagte er zu ihm,

›und ich habe klar gehört und verstanden,

dass ihr mich als unredlich hinstellt,

indem ihr erzählt, ich hätte euch

eure Stadt heimlich abgenommen –

auf euer Geschwätz 

gebe ich einen Dreck! 

Ich will in Troja schalten

und walten, so wie es mir gefällt;

und dennoch: es stimmt nicht, was ihr gesagt habt, 

12691-12700

ê solte mir sîn widersaget.

swaz ir ie prîses hânt bejaget,

der ist alsô gefüege,

daz in ein mügge trüege

wol in ir snabel über sê.

wær ich vor iu gewarnet ê,

so enhæte ich Troye niht verlorn,

der ich ze herren wart geborn.‹

Antwürte gap im Hercules

mit zorne vrevelichen des.

hättet ihr mir den Krieg erklären müssen.

Alles Ansehen, das ihr euer Leben lang zu erreichen versucht habt,

das ist derart winzig,

dass es eine Fliege problemlos

in ihrem Schnabel über das Meer tragen könnte.

Hättet ihr euch rechtzeitig mir angekündigt,

dann hätte ich Troja, als dessen Herrscher

ich geboren wurde, nicht verloren.‹

Darauf antwortete ihm Herklus

im Zorn und Übermut: 

12681-12690

beschouwen unde vinden.

sît daz ir niht erwinden

went hiute an der verlüste mîn,

sô tuon ich iu den willen schîn,

daz mir ist mîn schade leit.

mir ist ze spâte widerseit

von iu, dâst âne lougen.

ê daz mir wære tougen

mîn edel stat von iu verstoln

und ich den schaden müeze doln,

sehen und finden. 

Da ihr nun nicht davon ablassen wollte,

mir zu schaden,

sei euch in aller Deutlichkeit gesagt,

dass mich der Schaden, den ihr mir zugefügt habt, schmerzt.

Mir wurde, das liegt ja auf der Hand, 

von euch zu spät der Krieg erklärt.

Bevor mir meine hervorragende Stadt

von euch heimlich geraubt worden wäre

und ich den Schaden zu erleiden gehabt hätte,

12671-12680

sô lasterlichen rûmen,

sô wil ich mich niht sûmen,

mîn hant enreche die getât.

nû werent iuch, daz ist mîn rât,

und lâzent iuwer ellent sehen!‹

›entriuwen, friunt, daz sol geschehen,‹

sprach wider in der künic dô,

›wan ich enahte ûf iuwer drô

niht sô tiure als umb ein ber.

man sol mich niemer âne wer

derart mit Schimpf und Schande zu räumen,

so will ich nicht länger zögern,

mit meiner Hand die Tat zu rächen. 

Nun verteidigt euch, das rate ich euch

und lasst sehen, wie tapfer ihr seid!‹

›Wahrlich, Freund, das wird gemacht‹,

erwiderte ihm darauf der König,

›denn eure Drohung 

kümmert mich nicht die Bohne.

Niemals wird man mich nicht kampfbereit

12661-12670

und eine wîle ruowen hie.

daz ich von iu versmâhet ie

getorste werden sunder nôt,

daz wirt bî namen iuwer tôt,

ald ich muoz werden hiute erslagen.

nû dar! welt ir den lebetagen

beschirmen unde vristen,

sô werent iuch mit listen

und mit kreften alzehant.

sît ir mich hiezen iuwer lant

und eine Zeit lang hier zur Ruhe kommen. 

Dass ihr es gewagt habt,

mich grundlos zurückzuweisen,

das wird euch wahrlich den Tod einbringen –

oder ich werde heute erschlagen werden.

Auf geht’s! Wollt ihr euer 

Leben schützen und behalten,

dann wehrt euch nun 

kraftvoll und mit aller Kampfeskunst.

Da ihr mir befohlen habt, euer Land

12651-12660

geruowen unde erbeizen.

ich wart ûz disen kreizen

von iu getriben âne schult,

nû müezent ir mich unde sult

hie lân belîben und entweln.

ich wil hie teilen unde weln

in dirre veste wunneclich,

sît ir niht hie dô liezent mich,

sô lânt mich aber hie nû wesen.

ich wæne, ich müge nû wol genesen

ruhen und absitzen lasst!

Ich wurde von diesem Land

ohne Grund von euch vertrieben;

nun werdet ihr mich gezwungenermaßen

hier bleiben und mich hier aufhalten lassen.

Ich will hier, in dieser wunderschönen Stadt,

teilen und auswählen.

Ihr habt mir hier den Aufenthalt verwehrt –

lasst mich also nun hier sein und bleiben.

Mir scheint, ich kann nun hier leben

[»Teilen und Wählen« ist ein Rechtsbrauch vor allem zur Aufteilung von Land und Herrschaftsrechten. Bei zwei berechtigten Personen nimmt eine Person die Teilung vor – und die andere Person darf sich einen Teil auswählen. Auf diese Weise soll sichergestellt werden, dass beide Teile gleichwertig sind. Zugleich teilen und wählen zu können ist Ausdruck unumschränkter Macht.]

12641-12650

dâ Lâmedon des mâles hielt.

die rotte kloup er unde spielt

enzwei, biz er ûf in gedranc.

der helt nâch sînem tôde ranc

mit willecliches herzen ger.

›weizgot, her Lâmedon!‹ sprach er,

›hie wirt gerochen hiute,

swaz ir und iuwer liute

mir ze leide hânt getân,

welt ir mich noch vor Troye lân

wo Lamedon sich gerade aufhielt.  

Den Pulk teilte und spaltete er

entzwei, bis er es geschafft hatte, zu ihm vorzudringen.

Um seinen Tod bemühte sich der Held,

willentlich, mit einem Begehren, das von Herzen kam. 

›Weißgott, Herr Lamedon!‹, sagte er,

›Hier und heute wird all das gerächt,

was ihr und eure Leute

mir an Leid zugefügt haben.

Mal sehen, ob ihr mich vor Troja

[Die Übersetzung des letzten Verses scheint mir plausibel; ganz sicher bin ich mir aber nicht.]