25550-25559

mit sneller umbekêre

wurden si gejaget wider.

ir was ein michel teil dernider

gevallen und gestrûchet.

dô wart vil wol gebrûchet

sper unde swert, pfîl unde boge.

Effimenîs der herzoge,

ein spiegel aller vürsten,

lie sich dâ sêre dürsten

nâch maniger Kriechen bluote,

So wendete sich das Blatt und sie waren plötzlich die Gejagten. Ein großer Teil von ihnen war zu Boden gegangen. Von Speer und Schwert, von Pfeil und Bogen wurde dann gründlich Gebrauch gemacht. Der Herzog Effimenis – ein Spiegel aller Fürsten – dürstete dort nach dem Blut vieler Griechen, 

25540-25549

verhouwen und ze tôde wunt

wart ir zehant ein michel teil.

den gesten widerfuor daz heil,

daz si dô niht verzagten

und si die burger jagten

mit swerten ûf der flühte spor.

si muosten wider zuo dem tor

entwîchen unde entwenken,

wan si begunde crenken

ir schar vil harte sêre.

Zerhauen und zu Tode wund war sogleich ein großer Teil von ihnen. Die Ankömmlinge hatten das Glück, dass sie nicht nachgaben und die Bürger mit Schwertern jagten, als sie sich zur Flucht wandten. Sie mussten wieder zum Tor zurückweichen, denn ihre Schar wurde sehr schmerzlich geschwächt.  

25530-25539

des wart Troiæren bî der zît

von ir künfte wê getân.

vier künege, die sich ûf den plân

des mâles heten lâzen,

die fulten unde mâzen

heid unde sant vol bluotes.

si wâren freches muotes

und des lîbes ellenthaft,

dâ von Troiæren magencraft

wart geswachet bî der stunt.

sodass die Trojaner dann unter ihre Ankunft zu leiden hatten. Vier Könige, die sich nun also auf den Kampfplatz begeben hatten, die füllten Gras und Ufersand mit Blut. Mutig waren sie und kräftig, wodurch die Schar der Trojaner dann geschwächt wurde. 

25520-25529

den schilt den wil ich gesten,

den Aggalôn dô fuorte dâ.

sîn velt erlûhte lâsûrblâ,

dar inne stuont von golde ein strûz,

dem hienc ze sînem snabel ûz

ein silberwîz rosîsen.

man sol si bêde prîsen,

wan si nâch wirde rungen.

si kêrten unde drungen

ûz den kielen an den strît,

Den Schild will ich rühmen, den Aggalon mit sich führte. Sein Feld leuchtete lasurblau, darin stand ein goldener Strauß, aus dessen Schnabel ein silberweißes Hufeisen hing. Man muss sie beide preisen, weil sie nach Ansehen strebten. Sie kamen und drängten aus den Schiffen heraus in den Kampf hinein,

25510-25519

der künic Alîn und Aggalôn,

der ouch mit êren krône truoc,

die zwêne kâmen schiere gnuoc

gesûset ûf dem wilden sê.

grüen als ein niuwebrochen clê

von purper was sîn wâpencleit,

dâ rôsen wâren ûf geleit

von golde lûter unde fîn.

ir liehten wunneclichen schîn

sach man dâ verre glesten.

Der König Alin und auch Aggalon, der ebenfalls ehrenvoll eine Krone trug, die beiden kamen eilig über das wilde Meer angesaust. Der Überwurf über seiner Rüstung war aus Purpur-Stoff, so grün wie frisch gezupfter Klee, mit eingelegten Rosen aus reinem, schönem Gold. Ihren anmutigen Glanz sah man dort weithin leuchten.

[Wahrscheinlich macht es nicht so viel Sinn, »wâpencleit« mit Rüstung zu übersetzen; es dürfte sich in aller Regel um einen Überwurf über der Rüstung handeln.]

25500-25509

ir zweier schar Troiære spielt

unde ir starke rotte enzwei,

des huop sich jæmerlich geschrei

von mangem wunden siechen.

die burger und die Kriechen

die wurden balde vehtende,

dar under wart sich vlehtende

mit kreften aber sît ein her,

daz kam geriuschet ûf dem mer

dur ganzer werdekeite lôn.

Die Schar dieser beiden spaltete die Trojaner und ihren starken Trupp in zwei Teile, sodass sich von vielen Verwundeten ein jämmerliches Geschrei erhob. Die Bürger und die Griechen kämpften kühn, als sich dann mit aller Kraft ein Heer in den Kampf hineinflocht, das vom Meer her angerauscht kam, um Würde und Ansehen zu erlangen.

25490-25499

in eime schilte wîz hermîn

wart er von in gefüeret dar.

si beide kâmen liehtgevar

gesprenget ûz ir schiffen.

ir lanzen wol gesliffen

vertâten si mit êren.

man sach si balde kêren

hin zuo dem angestrîchen her,

daz umbeslozzen zuo dem mer

mit wazzer und mit liuten hielt.

In einem hermelinweißen Schild wurde er von ihnen dorthin geführt. Sie beide galoppierten hell glänzend aus ihren Schiffen herbei. Ihre gut geschliffenen Lanzen verstachen sie ehrenvoll. Schon bald sah man, wie sie sich hin zu dem bedrängten Heer wendeten, das beim Meer von Wasser und Leuten eingeschlossen war.  

25480-25489

mit harnasch edel unde fîn

bereit ze strîte wâren.

si gâben unde bâren

dâ mit ir wâpencleide

den ougen liehte weide.

Si kunden wol nâch wirde streben.

ir kovertiure was geweben

ûz sîden unde ir wâpenroc.

ein zobelswarzer steinboc

der was ir zeichen ie gesîn.

die beiden waren mit ihrer edlen und kunstvollen Rüstung zum Kampf bereit. Mit ihren Rüstungen waren sie, die wussten, wie man nach Ansehen strebt, eine Augenweide. Die schützende Decke ihrer Pferde und das Oberkleid über ihren Panzern war aus Seide. Ein Steinbock, schwarz wie Zobel, war schon immer ihr Zeichen gewesen.

25470-25479

der ab den schiffen allen brast,

diu daz wazzer machte vol,

daz man dar über mohte wol

des mâles rîten unde gân.

daz heil den gesten wart getân,

daz si ze lande kâmen

und ir gelende nâmen

sît michel sanfter danne vor.

der werde künic Prothênor

und Archelaus der bruoder sîn

die von all den Schiffen, die das Wasser füllten, herunterstürzte, sodass man darüber dann gut reiten und gehen konnte. Für die Ankömmlinge war das ein großer Vorteil, dass sie an das Land kamen und dass sie viel leichter anlanden konnten als zuvor. Der edle König Prothenor und Archelaus, sein Bruder –

25460-25469

von der vil snelleclichen var,

diu von zwein künigen dô geschach,

die man ze helfe komen sach

den Kriechen bî der selben zît.

von holze wart ein strâze wît

gemachet über an daz stat,

die man dâ reit wol unde trat,

als ob dâ wære ein brücke lanc.

liut unde guotes vil ertranc

und wart versenket manic last,

die durch die eilige Fahrt der zwei Könige, die den Griechen zur Hilfe eilten, von all den zerstörten Schiffen herabstürzten, die dort auf den Meeresboden sanken. Aus dem Holz wurde eine breite Straße gemacht, die an das Ufer führte; und darüber lief und ritt man, als wenn dort eine lange Brücke wäre. Viele Menschen und Dinge verdarben im Wasser und viel Ausrüstung versank, 

25450-25459

si brâchen unde stiezen

die kiele, die dâ stuonden ê,

sô daz sie vielen in den sê

mit hôher und mit rîcher habe.

daz mer gefüllet als ein grabe

wart von dem gerüste grôz,

daz von den schiffen allen schôz

und ab den wîten kielen,

die dâ ze grunde vielen,

dô si zerstôzen wurden gar

Die Schiffe, die dort schon standen, stießen sie zur Seite oder brachen sie entzwei, sodass sie mit ihrer edlen und prächtigen Ladung im Meer versanken. Wie ein Graben wurde das Meer durch die ganze Ausrüstung gefüllt,

25440-25449

dô si die Kriechen bî dem sê

mit nôt begriffen sâhen,

dô liezen si dar gâhen

und dar nâher strîchen.

schier unde snelleclîchen

woltens’ in ze helfe stân.

den schiffen wart sô nôt getân

mit ruodern und mit winde,

daz man si gar geswinde

sach zuo dem lande schiezen.

Als sie sahen, dass die Griechen am Ufer in einer Notlage waren, eilten sie dorthin und gingen dort an Land. Sie hatten es eilig, ihnen zur Hilfe zu kommen. Aus den Schiffen holte man mit den Rudern und Segeln alles heraus, was herauszuholen war, sodass man sehen konnte, wie sie mit großer Geschwindigkeit an das Ufer schossen. 

25430-25439

daz was gewarnet ûf den strît

mit liuten hinden unde vor.

ein künic, der hiez Prothênor,

und Archelaus sîn bruoder,

die brâhten manic fuoder

von ritterschefte dâ ze schaden.

mit ahzic kielen wol geladen

fluzzen si ze lande wert

und heten sêre des gegert,

daz den von Troie würde wê.

das kampfbereit war, mit Männern vorne und hinten. Ein König namens Prothenor und Archelaus, sein Bruder, die brachten viele Fuhren an Rittern, um dort für Verderben zu sorgen. Mit achtzig vollgeladenen Schiffen kam sie an Land und ihr Sinn stand danach, den Trojanern Leid zuzufügen.  

25420-25429

sich hât des maniger an genomen,

daz er Troiære wolte slahen,

der sînes bluotes mangen trahen

verrêrte von ir henden.

dâ lac in allen enden

ross unde liute ein wunder tôt.

nû daz die Kriechen in der nôt

dâ vâhten unde rungen,

dô kam ein her geswungen

ûf dem wazzer aber sît,

Viele von ihnen, die vorhatten, die Trojaner zu erschlagen, verloren nun Ströme an Blut, das durch die Hände ebenjener Trojaner vergossen wurde. Überall lagen Massen von toten Pferden und toten Menschen. Als nun die Griechen dort in großer Bedrängnis kämpften und sich gegen die Gegner warfen, kam alsbald ein Heer über das Wasser heran,

25410-25419

doch vâhten si vil deste mê,

daz si niht vliehen mohten.

vil bezzer was gevohten

denn âne wer gelegen tôt.

daz mer alsam ein lösche rôt

wart von bluote bî dem stade,

wan dâ geschach mortgrimmer schade

ze bêden sîten ûf dem wal.

daz her viel nider âne zal,

daz dô ze lande was bekomen,

Doch kämpften sie umso heftiger, weil sie nicht fliehen konnten, denn besser ist es zu kämpfen als ohne Gegenwehr zugrunde zu gehen. Das Meer wurde am Ufer durch das Blut so rot wie Saffianleder, weil dort auf dem Kampfplatz ein schreckliches Gemetzel stattfand, auf beiden Seiten. Zahllose Männer des Heeres, das dort an Land gegangen war, gingen zu Boden.

25400-25409

vor dem enkunden si niht mê

gewîchen hinder sich noch komen.

sus was in ouch diu fluht genomen

von den von Troie vorne,

die si mit strîtes zorne

dô vâhten grimmeclichen an.

si mohten weder dar noch dan

vor liuten noch vor wâge

in tet mit sîner lâge

der tôt in allen enden wê,

sie deshalb nicht mehr nach hinten ausweichen konnten. Zudem war ihnen auch die Möglichkeit einer Flucht nach vorne durch die Trojaner genommen, die sie mit Kampfeswut und Zorn angriffen. Durch die Leute und die Fluten konnten sie weder dahin noch dorthin; mit seinem Hinterhalt schädigte sie der Tod an allen Ecken und Enden.