5401-5410

Seht, alsô lobte dô Pârîs
den hirten biderbe unde wîs,
vor al den hoveliuten.
er kunde in wol getriuten
mit süezer rede ân allen vâr.
ouch het er an dem dinge wâr,
daz er was bescheiden gnuoc.
als edel herze nie getruoc
ein einvaltiger hirte,
daz kunde er an dem wirte

Schaut, auf diese Weise lobte da Paris
den anständigen und lebensklugen Hirten
vor der gesamten Hofgesellschaft.
Ihm viel es leicht, ihn zu würdigen,
mit süßen Worten und ohne böse Hintergedanken.
Außerdem sprach eine Sache unzweifelhaft für ihn,
dass er nämlich überaus bescheiden war.
Ein so edles Herz hatte
noch nie ein schlichter Hirte in seiner Brust,
das konnte er an dem Wirt

5391-5400

denn alle veter, die der sint.
von keinem vater wart nie kint
sô rehte minneclîche ernert.
mîn dinc alrêrst nâch wunsche vert,
sît in mîn ouge ersehen hât.
swie man in spüre in kranker wât,
doch ist er sô bescheiden,
daz under armen cleiden
nie rîcher tugent, noch reiner art
verborgen und verdecket wart.‹

als alle Väter, die es gibt.
Nie hat sich ein Vater
so liebevoll um ein Kind gesorgt.
Meine Sache verläuft erst jetzt nach Wunsch,
seitdem ihn meine Augen erblickt haben.
Mag sein, dass man ihn in schlechter Kleidung sieht,
aber er ist so bescheiden,
dass unter armseliger Kleidung
nie größere Tugend und ein anständigeres Wesen
verborgen und versteckt worden ist.‹

5381-5390

lief engegen im dort hin;
mit armen umbegreif er in
und enphienc in bî der zît.
›ir herren alle,‹ sprach er sît,
›diz ist mîn vater, der mich hât
durch sîns getriuwen herzen rât
erzogen alle mîne tage.
in weiz, waz ieman anders sage,
ich sol in z' einem vater hân.
er hât mir verre baz getân,

lief ihm dorhin entgegen;
und dann umarmte er ihn
und hieß ihn willkommen.
›Ihr Herren, hört,‹ sagte er dann,
›das ist mein Vater, der mich,
weil ihm sein treues Herz dazu geraten hat,
mein Leben lang erzogen hat.
Was interessiert mich, was andere sagen –
er muss mir mein Vater sein.
Er hat weit mehr für mich getan

5371-5380

der hirte von dem künige trat
und îlte für sich zuo der stat,
dâ Pârîs des mâles gienc
und in noch verre baz enphienc,
dann er enphangen wære.
wan dô der tugentbære
den hirten komen sach dort her,
dô wart sô vröudenrîch sîn ger,
daz er von liebe weinte.
Pârîs der wol gereinte

ging der Hirte von dem König
und beeilte sich, an den Ort zu kommen,
an dem Paris zuvor gewesen war
und er wurde von ihm noch weit besser empfangen
als er zuvor empfangen wurde.
Als nämlich der Edle und Tüchtige
den Hirten von dort herkommen sah,
da wurde all sein Wollen so voll von Glückseligkeit,
dass er vor Freude weinte.
Paris, nun gut gereinigt,

5361-5370

dô wir uns dar zuo wâgen,
daz wir schirmens pflâgen,
sô müest ich iemer trûren
und in mîn herze mûren
jâmer unde sende clage
biz ûf ein ende mîner tage.‹
Sus gie von sîner bruoder schar
zuo im iegelicher dar,
der in enpfienc besunder.
hie mite und ouch dar under

als wir uns auf das Kampfspiel einließen,
uns Schutz zu bieten und Angriffe zu parieren,
so müsste ich ewig trauern
und in mein Herz müsste ich
Leid und sehnsuchtsvollen Jammer einmauern,
bis zum Ende meiner Tage.‹
Und dann ging von der Gefolgschaft seines Bruders
ein jeder zu ihm hin,
um ihn persönlich willkommen zu heißen.
Dann und währenddessen 

5351-5360

ze bruoder ûf der erden.
gebenedîet werden
müez iemer aller göte namen,
sît daz si mich sô wunnesamen
an dirre fröude hânt gewert;
wan allez, des mîn herze gert,
von brüederlicher sælikeit,
daz hât ir kraft an dich geleit
und ir helfe götelich.
het ich erslagen hiute dich,

bestimmt bist, hier auf Erden.
Gebenedeit seien auf ewig
alle Götter,
weil sie mir ein solches Vergnügen
angesichts dieser Glückseligkeit zugestehen;
denn alles, was mein Herz an
brüderlicher Vollkommenheit verlangt,
das hat ihre Kraft und ihre göttliche Hilfe
in dich gelegt.
Hätte ich dich heute erschlagen,

5341-5350

nû wart er stille und über lût
in allen tûsent warp sô trût,
als er in was gewesen vor.
sîn werder bruoder Hector
kam an in geloufen sider.
er kuste im ougen unde lider
und hiez in willekomen sîn.
er sprach: ›Pârîs, geselle mîn,
wol mich der sælde manicvalt,
daz dû mir hiute bist gezalt

nun aber gewannen sie ihn
– im Stillen und für jeden sichtbar –
alle tausend Mal so lieb wie zuvor.
Sein angesehener Bruder Hector
kam bald zu ihm gelaufen.
Er küsste ihm Augen und Körper
und hieß ihn willkommen.
Er sagte: ›Paris, mein Kamerad,
gesegnet bin ich, angesichts des vielfältigen Heils,
dass Du mir heute zum Bruder

[»Ougen unde lider« ist eine Formulierung, die sich bei Konrad von Würzburg offenbar häufiger findet. Da die »Augenlieder« wohl eher nicht gemeint sind, sondern Gliedmaße, Körperteile, übersetze ich (recht allgemein) mit »Augen und Körper«.]