25390-25399

sô daz beslozzen dâ belibe

der Kriechen ritterlichez her.

zwischen Troiæren und dem mer

die geste wurden umbeslagen:

dâ von si muosten alle tragen

sorg unde swære grimmeclich,

wan si niht mohten hinder sich

noch für sich dô gewenken.

ir ougen sâhen swenken

dâ rückeshalp den wilden sê,

Auf diese Weise blieb das Heer der Griechen dort eingeschlossen. Zwischen den Trojanern und dem Meer wurden die Ankömmlinge umzingelt, sodass sie alle Sorgen und schreckliche Not zu ertragen hatten, weil sie weder vor noch zurück konnten. Ihre Augen sahen die Fluten des wilden Meeres in ihrem Rücken, sodass

25380-25389

von sîner vrechen hende. 

Ouch galt er mit den sînen,

die man begunde pînen

mit strîteclicher marter.

dâ wart gevohten harter,

denn ich entsliezen künne.

man seit, daz êr gewünne

Prîant der künic alsô guot,

daz er biz an des wâges fluot

die vînde wider umbetribe,

durch seine tapferen Hände zugrunde. Doch musste er dafür gemeinsam mit seinen Leuten teuer bezahlen, denn sie wurden in diesem Kampf elendig gepeinigt und gemartert. Es wurde dort härter gekämpft als ich es beschreiben kann. Es heißt, dass Priamus, der lobenswerte König, es schaffte, die Feinde bis zurück zum Ufer zu treiben.  

25370-25379

den êrsten, der im dâ bekam,

den valte er ûf des landes griez.

die lanzen stach er unde stiez

im alzehant in sîne brust.

dar nâch vil maniger nam verlust,

den er dâ sît ze tôde sluoc.

mit bluote er jæmerlichen twuoc

kis unde sant. des meres stade

Troiæren gap er z’einem bade,

der maniger nam ein ende

Der erste, den er zu fassen bekam, den warf er auf die Erde nieder, indem er ihm die Lanze kurzerhand in seine Brust stieß. Und auch danach hatten viele gegen ihn das Nachsehen, die er dort mit seinen Schlägen tödlich verwundete. Mit Blut wusch er Kies und Sand – es war ein Jammer! Das Meeresufer machte er zum Bad für die Trojaner; viele von ihnen gingen 

25360-25369

vil manicvalter koste flîz

an dem erwelten künige lac.

biz an den jungestlichen tac

sol man klagen sînen tôt.

er was ein helt in rehter nôt,

daz wart an im des mâles schîn.

der hôchgeborne Sarrazîn

nam sîn ros mit scharpfen sporn:

ûf die von Troie wart im zorn,

wan in was sîn herze gram.

Beim Waffenkleid dieses Königs wurden keine Kosten und Mühen gescheut. Bis an den Jüngsten Tag wird man seinen Tod beklagen. In der größten Not war er ein Held, das konnte man auch in dieser Situation sehen. Der hochedle Sarrazene gab seinem Pferd die scharfen Sporen – sein Zorn war auf die Trojaner gerichtet, denn sie hasste er.

25350-25359

er kam reht als ein lintwurm

geschozzen ûf Troiære dar.

von sîden wunneclich gevar

sîn wâpencleit gebriten was;

ez schein noch grüener denne ein gras

in einem niuwen glanze vrisch.

von golde was vil manic visch

dar ûf geströuwet âne trüge,

der hete vetech, als er flüge,

und wâren die von silber wîz.

Ganz so wie ein Drache kam er auf die Trojaner zugeschossen. Sein Waffenkleid war aus wunderschöner Seide gewoben und leuchtete, grüner noch als Gras, in neuem, frischen Glanz. Zahlreiche Fische waren – glaubt es mir – mit Gold darüber verteilt und sie hatten Flügel, als würden sie fliegen, und sie waren aus weißem Silber. 

25340-25349

erstriten und ervohten

wart dô durliuhteclicher prîs.

Protheselaus der künic wîs

was ûf sîn ors gesezzen,

alsam ein helt vermezzen

kam er gesprenget an daz lant;

er fuorte ein sper an sîner hant

sêr unde wol gespitzet;

sîn herze was erhitzet

ûf einen bitterlichen sturm;

Strahlender Ruhm wurde dort erfochten und erstritten. Protheselaus, der weise König, hatte sein Pferd bestiegen und so, wie man es von einem kühnen Helden erwartet, ritt er ungestüm an Land. Einen Speer hielt er in seiner Hand, der sorgfältig scharf zugespitzt worden war. Er war heiß darauf, einen harten Sturmangriff zu führen. 

25330-25339

sich huop dô jâmer unde nôt

von angestbæren dingen.

dâ wart sô michel dringen

von den schiffen an daz griez,

daz dirre den ze tôde stiez

und jener disen valte nider.

dâ wurden tôtwunde lider

gemachet bêdenthalben,

diu mit dekeiner salben

verheilet werden mohten.

Jammer und Elend breiteten sich durch dieses angsterregende Geschehen aus. Von den Schiffen hin zum Ufer war ein so großes Gedränge, dass hier jemand den anderen in den Tod stieß und dort einer den anderen zu Boden riss. Auf beiden Seiten wurden Körperteile so verwundet, dass sie mit keiner Salbe wieder geheilt werden konnten.

25320-25329

ouch wizzent, daz sich niht vergienc

grôz schade bî der wîle.

die strâlen und die pfîle

die wurden under si gesant.

die regentropfen ûf daz lant

sô dicke nie gevielen,

als ûz der geste kielen

diu schoz ûf die von Troie flugen.

die schützen valten unde zugen

vil manigen in den grimmen tôt:

Macht euch auch klar, dass das große Blutvergießen nicht schon nach einiger Zeit beendet war. Die Pfeile und Geschosse prasselten weiter auf sie nieder. Nie fielen die Regentropfen so dicht auf das Land wie aus den Schiffen der Ankömmlinge die Geschosse auf die Trojaner flogen. Die Schützen fällten zahlreiche Männer und trieben sie in den grimmen Tod. 

25310-25319

wan die meisten alle

verdurben schiere und alzehant,

die zem êrsten an daz lant

bekâmen ûz den schiffen.

mit swerten wol gesliffen

wart in daz verch verhouwen.

Troiære liezen schouwen

vil manigen wunden siechen,

si valten vil der Kriechen,

der leben schiere ein ende enpfienc.

die allermeisten, die zuerst aus den Schiffen an das Land kamen, gingen gleich zugrunde. Mit gut geschliffenen Schwertern wurde ihnen das Leben aus dem Fleisch gehauen. Die Trojaner sorgten für viele schwer Verwundete und sie schlugen viele der Griechen nieder, deren Leben dann schnell zuende ging.

25300-25309

swer ûz den kielen wolte gân

oder rîten an daz lant,

der wart enpfangen alzehant

mit swerten und mit spiezen,

wan die von Troie stiezen

ir lanzen unde ir scharpfen sper

dur manigen lîp, der sîne ger

wolt ûf ir schaden wenden.

ir gnuoge muosten enden

mit einem snellen valle,

Wer auch immer aus den Schiffen heraus wollte, sei es zu Fuß oder auf dem Pferd, der wurde sogleich mit Schwertern und Spießen empfangen, denn die Trojaner stießen ihre Lanzen und ihre scharfen Speere durch viele Männer, die ihnen nach dem Leben trachteten und auf ihren Schaden aus waren. Sehr viele von ihnen lagen schnell danieder, denn  

25290-25299

alsam diu senwe tuot den pfîl,

der ûz der nüzze snellet.

geworfen und gevellet

wart nider manic brücke sâ,

diu zuo dem lande solte dâ

ros unde liute dinsen.

sîn leben dô verzinsen

begunde manger bî dem tage,

der mit des grimmen tôdes klage

müeste ein bitter ende hân.

so wie die Sehne es mit dem Pfeil tut, der aus der Nuss der Armbrust schnellt. Viele Brücken, die die Leute und Pferde zum Land bringen sollten, wurden zügig umgestoßen und zum Einsturz gebracht. Viele bezahlten an diesem Tag mit dem Leben, die mit dem leidbringenden, grimmen Tode ein bitteres Ende nahmen.

25280-25289

er bat si mit den henden

die ruoder vaste rüeren,

dur daz si balde füeren

zuo dem stade ân underbint.

ouch wart sô rehte grôz ein wint,

der ûf daz mer des mâles kam,

daz er die kiele für sich nam

und si gewalteclichen stiez.

er treip hin an des landes griez

diu schif bereit ûf kampfes bîl,

Mit seinen Händen ließ er sie wissen, dass sie kräftig rudern sollten, damit sie schnell an das Ufer kämen. Auch kam gerade ein starker Wind auf, der die Schiffe gewaltig vor sich her trieb. Er schoss die kampfbereiten Schiffe an den Ufersand

25270-25279

ûf sînes herzen ungemach

im an daz mer engegen varn

und er begunde ir künfte warn,

dô wart im zuo dem lande nôt.

sêr unde vaste er dô gebôt,

daz nieman solte fliehen.

ûf rihten unde ûf ziehen

hiez er die segele sâzehant

und die marner an daz lant

die kiele drâte wenden.

die, ihm zum Schaden, zum Meer hin ihm entgegen zogen, und als er sah, dass sie bald ans Meer kamen, da hatte er es eilig, an Land zu kommen. Ernst und entschieden befahl er, dass niemand fliehen dürfe. Er hieß sogleich die Segel aufziehen und ließ die Seeleute, die Schiffe schnell an Land bringen. 

25260-25269

dâ wurden beidenthalp gemant

die ritter albesunder,

daz si ze strîte munder

und z’eime kampfe würden.

sich huop ein grimmez mürden

und ein erbermeclicher schade,

ê man geschifte zuo dem stade.

Protheselaus der künic hôch,

der nie dur zageheit geflôch,

nû daz er die von Troie sach

Auf beiden Seiten wurden also all die Ritter dazu aufgerufen, sich wacker zu schlagen und leidenschaftlich zu kämpfen. Ein erbittertes Gemetzel und ein erbärmliches Blutvergießen begann, noch ehe man mit den Schiffen an das Ufer kam. Als nun Prothesalaus, der edle König, der noch nie feige geflohen war, die Leute von Troja sah, 

25250-25259

er bat si bî der zîte,

daz âne vorhte si beliben

und si diu schif ze lande triben

mit unverzagtem muote gar.

Hector der mante ouch sîne schar

und sînes werden vater her,

daz si mit ritterlicher wer

die Kriechen wider slüegen,

noch in des niht vertrüegen,

daz si bekæmen an daz lant.

Er forderte sie auf, keine Angst zu haben und die Schiffe mutig an das Ufer zu bringen. Auch Hektor ermutigte seine Schar und das Heer seines edlen Vaters, und forderte sie dazu auf, den Angriff der Griechen mit ritterlichem Mut zurückzuschlagen und nicht zuzulassen, dass sie an Land kämen. 

25240-25249

dâ stuont vil maniger harnaschvar,

als der die vînde hazzet.

die schilte si gevazzet

des mâle heten alle.

Troiæren z’einem valle

ze strîte wâren si bereit.

Prothesolaus der nie vermeit

êr unde werdeclichen prîs,

der mante alsam ein künic wîs

die ritter dô ze strîte.

Viele standen dort in voller Rüstung und zeigten sich, wie jemand sich zeigt, der die Feinde hasst. Sie alle hielten die Schilde. Sie waren zum Kampf bereit, um die Trojaner zu besiegen. Prothesolaus, der immer auf Ansehen und edlen Ruhm aus war, der forderte dann, so wie ein weiser König dies tut, die Ritter auf, tapfer zu kämpfen. 

25230-25239

mit hundert kielen ritter vol

ze stade fuor der künic wert.

er kunde wol sîn edel swert

gebrûchen und genützen;

er hete mangen schützen

geschicket an der kiele bort,

die stalten jâmer unde mort

mit strâlen und mit pfîlen.

ouch wâren bî den wîlen

verwâpent sîne ritter gar.

Mit hundert Schiffen voll von Rittern fuhr der vortreffliche König an das Ufer. Er wusste sein edles Schwert zu gebrauchen und zu nutzen. Viele Schützen hatte er an den Rand des Schiffes geschickt, die von dort aus mit Pfeilen und Geschossen Jammer und Tod brachten. Auch waren seine Ritter vollständig gewappnet. 

25220-25229

noch wart vor liuten niht gesehen

der anger noch des stades griez.

Prothesolaus ein künic hiez,

der was ein ritter ûz erwelt

und ein sô gar bewæret helt,

daz er der aller êrste wart,

der an der Kriechen übervart

ze lande kêrte bî der zît.

er was ûf einen grimmen strît

gewarnet herlîch unde wol.

sowohl Wiesen als auch Ufersand ließen sich vor lauter Leuten nicht mehr ausmachen. Ein König namens Prothesolaus war ein hervorragender Ritter und ein so überaus erfahrener Held, sodass er der allererste war, der damals an Land kam. Er war auf einen erbitterten Kampf sehr gut vorbereitet.