18750-18759

ir leben unde ir êre

diu müezen si verliesen

und alle ein ende kiesen

dar umbe, daz uns ie geschach

von in sô bitter ungemach.‹

Nû daz Hector die rede getete,

dô stuont zehant ûf an der stete

der stolze werde Pârîs.

er sprach: ›mîn bruoder ist sô wîs,

daz er daz beste rætet.

Leben und Ansehen

werden sie verlieren

und sie alle werden zugrunde gehen,

weil sie uns so großes Leid

zugefügt haben.‹

Als nun Hektor die Rede beendet hatte,

stand dort sogleich 

der edle Paris auf.

Er sagte: ›Mein Bruder ist so weise,

dass er die besten Ratschläge hat.

18740-18749

hin zuo der vînde lande

kein strâze gât wan ûf den sê.

dâ von gewinnent deste mê

kiel unde guoter barken,

wir sulen z’in mit starken

schiffen ûf dem wazzer varn

und si mit ellentrîchen scharn

sô crefteclîche an strîten,

daz nie bî keinen zîten

gevohten wart sô sêre.

In das Land der Feinde

geht nur eine Straße – über das Meer.

Sorgt deshalb für möglichst viele

Boote und gute Schiffe.

Wir müssen zu ihnen auf dem Wasser mit

mächtigen Schiffen reisen

und sie mit tapferen Truppen

kraftvoll angreifen,

sodass noch nie zuvor

so heftig gekämpft worden ist. 

[Ich befürchte, ich sollte mich mal zu Schiffstypen des 13. Jahrhunderts einlesen…]

18730-18739

daz wir mit kumber si geladen,

dar ûf sô wende ich mîne gir.

nû volgent, werder künic, mir,

sît ich daz her muoz leiten,

sô heizent uns bereiten

kiel unde schiffe ein michel teil!

ob uns geschehen süle daz heil,

daz wir ze Kriechen iemer komen,

sô muoz uns helfen unde fromen

schiffunge manger hande.

Sie mit Leid zu überhäufen,

darauf ist all mein Wollen gerichtet!

Folgt nun meinem Rat, edler König:

befehlt, da ich nun also 

das Heer führen soll,

uns viele Schiffe bereitzustellen!

Wenn uns das Heil zuteil wird,

dass wir zu den Griechen gelangen,

dann müssen uns dabei 

zahlreiche Schifffahrten zur Hilfe kommen.

18720-18729

wan si niht anders trîbent mê,

wan daz man si dô vehten siht.

daz rede ich doch dar umbe niht,

daz ich entsitze ir grimmekeit.

man sol dekeine zageheit

an mir kiesen unde sehen.

dur daz ieman des dürfe jehen,

daz ich die reise wende.

mit willen ich vollende

die vart hin ûf der Kriechen schaden.

weil sie nichts anderes tun,

als dass man sie kämpfen sieht. 

Ich sage das nicht deshalb, 

weil ich mich vor ihrer Wut und Wildheit fürchten würde! 

Man wird an mir keinerlei Feigheit

erkennen und beobachten –

und niemand wird behaupten können,

dass ich die Heerfahrt verhindere.

Bereitwillig werde ich

die Heerfahrt gegen die Griechen unternehmen.

18710-18719

in ir gewalt und in ir wer

hânt si vil ûz erweltiu lant.

Eurôpe und Asiâ genant

zwei grôziu künicrîche sint.

diu beidiu stênt ân underbint

in ir gewalteclîche pflege

und sint bî namen alle wege

der besten ritterschefte vol,

die man ze strîte haben sol

beid an dem lande und ûf dem sê:

Sie verfügen und herrschen

über viele hervorragende Länder.

Es gibt zwei Königreiche,

Europa und Asien nennt man sie,

die beide beständig

von ihnen beherrscht werden –

und in beiden finden sich überall

die besten Ritter,

die man für einen Kampf bekommen kann,

sowohl an Land wie auch auf dem Meer,

18700-18709

swaz ir gebietent, herre, mir,

daz leiste ich gerne sâ zehant.

ist, daz ir in der Kriechen lant

nû wellent kêren, als ir jehent,

sô râte ich wol, daz ir besehent,

daz man sô krefteclîche dar

und alsô witzeclîche var,

daz man mit êren wider kome.

wan ez enwart nie volc sô frome

ze strîte, sô der Kriechen her.

Was auch immer ihr von mir verlangt, Herr,

das will ich sogleich auch tun.

Wenn ihr, wie ihr bekanntgegeben habt,

in das Land der Griechen ziehen wollt,

dann möchte ich den Rat geben, darauf zu achten,

dass man mit einer so großen Streitmacht

dorthin ziehe – und auf kluge Art und Weise –,

dass man mit Ruhm und Ansehen wieder zurückkehrt.

Es war schließlich kein Volk je so tapfer

im Kampf, wie das Volk der Griechen.

18690-18699

mîn herze ist mit bescheidenheit

niht wol geblüemet noch erlûht.

sît aber iuch des hât gedûht,

daz ich daz her geleiten müge

und ich ze houbetmanne tüge

den fürsten und der ritterschaft,

sô sol ich alle mîne kraft

dar ûf mit vlîze wenden,

daz ich nû müge vollenden

al iuwer bete und iuwer gir.

Mein Herz ist durch Verstand

weder gut geschmückt noch erleuchtet.

Da ihr aber nun einmal der Meinung seid,

dass ich in der Lage sei, das Heer zu führen,

und dass ich den Fürsten und Rittern

zum Hauptmann tauge,

werde ich all meine Kraft

eifrig dafür einsetzen und aufwenden,

all euren Bitten zu entsprechen

und euren Willen durchzusetzen.