19100-19109

in was vil ofte wâr geseit

von sînem wîsen munde,

dâ von si bî der stunde

geloubten im vil deste baz.

Prîant sîn vater selbe saz

verdâht in sorgen bî der zît.

si swigen alle enwiderstrît

und sprâchen niht ein wörtelîn.

ir herze leit vorht unde pîn

von dirre wîssagunge.

Schon häufig wurde ihnen

aus dem Mund des Weissagers

die Wahrheit gesagt, sodass sie ihm

dann entsprechend großen Glauben schenkten.

Priamus wiederum, sein Vaters, saß  

nun da, in Sorgen versunken.

Sie alle schwiegen um die Wette

und sagten keinen Mucks. 

Ihre Herzen litten Furcht und Qual

durch diese Weissagung. 

19090-19099

mit kraft uns bringen alle.‹

Nâch disen worten allez daz

gesweic, daz vor dem künige saz,

und was erzaget von der rede.

die ritter dûhte ein überlede

und ein gar swære bürde,

ob an Troyæren würde

diu prophêtîe erfüllet sus,

diu der wîssage Helenus

hete in allen vür geleit.

in den Untergang führen kann.«

Nach diesen Worten schwiegen alle,

die vor dem König saßen,

weil sie durch die Rede verängstigt waren.

Den Rittern schien es eine zu große Last zu sein

und eine zu schwere Bürde,

wenn sich an den Trojanern

die Prophezeiung erfüllen würde,

die Helenus, der Weissager,

ihnen allen dargelegt hatte.

19080-19089

und eine frouwen dâ verhert,

diu schœner ist denn alliu wîp.

ez kostet leben unde lîp,

Troyære, ob manz geloubet,

wirt Helenâ geroubet

und über sê gevüeret her.

dâ von sô râte ich unde ger,

daz er die reise mîde,

von der man kumber lîde,

und diu noch müge ze valle

und dort eine Dame raubt,

die schöner ist als alle anderen Frauen. 

Ob ihr es glaubt oder nicht, Trojaner,

es wird Leib und Leben kosten,

wenn Helena geraubt

und über das Meer hierher gebracht wird.

Deshalb ist es mein Rat und Wille,

dass er auf die Reise verzichtet,

die Leid und Kummer bringen wird

und die uns durch große feindliche Macht

[19083 ist schwierig; werden die Trojaner angesprochen oder ist von den Trojanern die Rede? Und was genau meint »ob manz geloubet«?]

19070-19079

swer alsô richet, daz er schadet

im selben, der ist wîse niht.

swâ von dem manne wirs geschiht,

denn im geschehen solte,

ob er sich hüeten wolte,

dâ vor sol er sich warnen.

wir müezen alle garnen,

daz mîn bruoder eine tuot,

wirt von uns balde niht behuot,

daz er hin zuo den Kriechen vert

Wer sich derart rächt, dass er sich selbst schadet,

dem fehlt es an Weisheit.

Wenn es etwas gibt, wodurch einem Mann etwas Schlimmeres

geschieht, als ihm geschehen müsste,

wenn er sich davor gehütet hätte,

dann muss er sich davor in Acht nehmen.

Wir alle werden für das büßen müssen,

was einzig und allein mein Bruder tut,

wenn wir nicht sogleich verhindern,

dass er hin zu den Griechen zieht

19060-19069

dar umbe ich iu noch nie gelouc,

swenn ich begunde wîssagen.

ich hân den glanzen himelwagen

und daz gestirne alsô besehen,

daz uns vil schaden sol geschehen

an liuten und an landen.

wirt ez niht understanden,

wir müezen kumber lîden.

man sol die râche mîden,

diu schaden ûf den rücke ladet.

und habe euch deshalb noch nie belogen,

wenn ich euch geweissagt habe. 

Den glänzenden Himmelswagen

und das Gestirn habe ich sorgfältig betrachtet

und dabei festgestellt, dass uns großer Schaden droht

an Land und Leuten.

Wenn es nicht abgewendet wird,

müssen wir Not und Kummer erleiden.

Rache, die einem Schaden bringt,

muss man meiden.

19050-19059

ob daz geschehen müeste,

daz Pârîs hinnen kæme

ze Kriechen und dâ næme

die wunneclichen Helenam.

den grimmen schaden freissam

sol man behüeten und bewarn.

Pârîsen lâze man niht varn

ze Kriechen, welle man genesen.

ich hân von allem dem gelesen,

daz ie geflôz und ie geflouc,

falls

Paris 

nach Griechenland käme und dort

die schöne Helena mit sich nähme.

Der schreckliche, furchterregende Schaden

muss verhindert werden!

Wenn man am Leben bleiben will,

darf man Paris nicht zu den Griechen fahren lassen.

Ich habe aus all dem gelesen,

was schwimmen oder fliegen kann,

19040-19049

dâ vor man, herre hôchgeborn,

vil starker huote wol bedarf.

swaz ich noch lôzes ie gewarf,

daz ist dar ûf gevallen,

daz wê geschiht uns allen,

swie Pârîs vert in Kriechen lant.

ich hân die göte vil gemant,

daz ich an ir antwürte

gar endelichen spürte,

daz Troye würde wüeste,

Man muss darauf achten, edler Herr,

dies zu verhindern.

Alle Lose, die ich je geworfen habe,

sind so gefallen, dass sie zeigen,

dass uns allen Leid geschieht, 

wenn Paris in das Land der Griechen fährt.

Oft habe ich die Götter angerufen,

und an ihrer Antwort 

habe ich sicher erkannt,

dass Troja zerstört werden würde,