13370
die stat begunde er bûwen wider
mit kreften manger hande.
wercliute von dem lande
gewan er ûzer mâze vil.
swaz man ze bûwe haben wil
13375
von künsterîcher meisterschaft,
des alles wart ein übercraft
von Prîamô besendet.
sîn bû der wart vollendet
und kam mit êren ûf ein zil.
13380
als ich iu noch entsliezen wil,
sus wart er Troye biuwende
sô wol, daz er getriuwende
was ir kreften iemer.
er wânde, daz si niemer
13385
zerstœret solte werden mê.
si wart nû vester vil denn ê,
des ich iu wol her nâch vergihe,
swenn ich die zît spür unde sihe,
daz ich billichen unde wol
13390
von ir gezierde sagen sol
und von ir starken vestikeit.
Prîant der künic wart bereit
dar ûf mit hôhem vlîze gar,
daz er schœn unde wunnevar
13395
die stat begunde machen
und si mit rîchen sachen
gewieren mohte bî den tagen.
diz hôrte man ze Kriechen sagen,
wan daz mære vlouc dâ hin:
13400
des wart vil manges herzen sin
urliuges aber dô gewis.
und dô diu vrouwe Thêtis
gar endelichen daz ervant,
daz sich der künic Prîant
13405
ze Troye het gelâzen nider
und er si wolte bûwen wider
mit kreften unde mit gewalt,
dô wart ir angest manicvalt
umbe ir sun Achillesen.
13410
si dâhte, daz er niht genesen
möhte langer bî den tagen.
daz er ze Troye würde erslagen,
daz hete man ir vor geseit:
dâ von si trûren unde leit
13415
slôz aber in ir herze dô.
si dâhte wider sich alsô:
nû muoz mîn sun verderben,
sît man beginnet werben,
daz Troye werde erniuwet.
13370
Er begann, die Stadt mit der Kraft
vieler Hände wieder aufzubauen.
Er gewann aus dem ganzen Land
sehr viele Bauleute.
Was man sich zur Baukunst
13375
von kenntnisreicher Fähigkeit wünschen kann,
das alles wurde im Übermaß
von Priamos herbeigeholt.
Der Bau wurde vollendet
und gelangte ehrenvoll zum Ziel.
13380
Wie ich euch noch enthüllen möchte,
so wurde er Troja bauend
so gewiss, dass er immerzu
ihre beständige Kraft war.
Er wähnte, dass sie nie mehr
13385
zerstört werden sollte.
Sie war nun fester denn je erbaut.
Davon werde ich euch später berichten,
wenn ich die Zeit verspüre und sehe,
dass ich auf angemessene Weise und gut
13390
von ihrer Zierde und Befestigung
erzählen soll.
Priamos, der König, war
mit großem Fleiß darauf bedacht,
die Stadt schön und
13395
wunderbar zu machen
und sie mit Reichtum
zu schmücken.
Das hörte man bis nach Griechenland,
denn die Kunde flog dort hin.
13400
Davon wurden viele Herzen
der Fehde gewahr.
Als Thetis, die Herrin,
schließlich davon erfuhr,
dass sich König Priamos
13405
in Troja niedergelassen hatte
und die Stadt mit aller Kraft und Gewalt
aufbauen wollte ,
da bekam sie große Angst
um ihren Sohn Achilles.
13410
Sie dachte, dass er nicht mehr
lange am Leben bleiben würde.
Dass er vor Troja erschlagen würde,
das hatte man ihr vorausgesagt:
Dadurch empfand sie Trauer und Leid,
13415
das sie jedoch in ihrem Herzen verschloss.
Sie dachte bei sich:
„Nun muss mein Sohn zugrunde gehen,
da man damit begonnen hat,
Troja zu erneuern,
Keine Kommentare:
Kommentar veröffentlichen