11491-11500

mit lîbe und mit dem guote.

der werde hôchgemuote

was manhaft unde küene gnuoc.

daz lant, dar inne er krône truoc,

daz was geheizen Salafîn.

durch die vil starken helfe sîn

kam Hercules dar în geriten.

güetlîche er in begunde biten,

daz er im stiure bræhte

und er durch got bedæhte

mit eigener Hand und mit seinen Besitztümern. 

Stolz war er, tugendhaft,

überaus mannhaft und tapfer.

Das Land, dessen Krone er trug,

hieß Salafin.

Um seinen mächtigen Beistand zu erhalten,

ritt Herkulus dorthin. 

Freundlich bat er ihn,

dass er ihm Unterstützung biete

und dass er, in Gottes Namen, das Augenmerk

11481-11490

mit herzen und mit munde.

er kêrte bî der stunde

fürbaz in ein ander lant,

dar inne er einen künic vant,

der was geheizen Thelamôn.

er diente ûf ganzer wirde lôn

den êren alliu sîniu jâr

und seit von im die schrift vür wâr,

daz er betalle wære

den friunden helfebære

mit dem Mund und mit dem Herzen.

Er zog dann

weiter in ein anderes Land.

Dort fand er einen König

namens Thelamon.

Der diente schon sein ganzes Leben lang

dem Ansehen, um den Lohn vollkommener Würde;

und es bestätigt über ihn die Schrift,

dass er den Freunden stets

ein Helfer war

11471-11480

sprâchen z’im dâ beide,

daz si von sînem leide

betrüebet wæren sêre.

si wolten lîp und êre

gern ûf des tôdes wâge tragen,

durch daz er möhte bî den tagen

gerechen sîne swære.

der rede und dirre mære

wart Hercules unmâzen vrô.

gnâd unde danc seit er in dô

sagten da beide zu ihm,

dass sie sein Leid

sehr traurig mache.

Sie seien gerne bereit, Leben und Ansehen

für ihn auf’s Spiel zu setzen,

damit er bald

seinen Kummer rächen könne.

Über diese Worte und diese Botschaft

freute sich Herkules über alle Maßen.

Er dankte ihnen herzlich

11461-11470

und fuoren ûf der êren spor.

der eine der hiez Castor,

Pollux der ander was genant.

zuo den kam Hercules zehant

gevaren und gestrichen

und bat si flîzeclichen,

daz im ir helfe würde kunt,

sô daz er bî der selben stunt

geræche an den von Troye sich.

die zwêne ritter lobelich

und bewegten sich auf dem Pfad des Ruhms. 

Der eine hieß Castor,

den anderen nannte man Pollux.

Umgehend begab sich Herkules

auf die Fahrt zu ihnen

und bat sie eindringlich,

ihm ihre Hilfe zuzusagen,

damit er sich bald 

an denen aus Troja rächen könne.

Die zwei gerühmten Ritter

11451-11460

dar în streich er nâch helfe sâ.

zwên ûz erwelten ritter dâ

vant er bî den jâren.

diu selben zwêne wâren

gebrüeder, als ich hœre sagen.

ein muoter hete si getragen

mit ein ander unde samt.

si kunden ritterlichez amt

wol üeben unde rîche tugent.

si lebten schône in blüender jugent

ging er dann, um dort Hilfe zu holen. 

Dort fand er zu dieser Zeit

zwei hervorragende Ritter.

Die beiden waren,

so hat man mir gesagt, Brüder.

Eine Mutter war mit ihnen 

beiden gemeinsam und zugleich schwanger gewesen. 

Sie wussten genau, wie man sich ritterlich verhält

und verfügten über große Fähigkeiten.

Sie führten ein ausgezeichnetes Leben – jung und kraftvoll –

11441-11450

niht lâzen ungerochen.

er hete dâ gesprochen

mâc unde friunt vil drâte,

dur daz er von ir râte

enpfienge helferîchen trôst

und ûz dem zorne würde erlôst,

der im des mâles inne lac

und im ze herzen nâhe wac.

Sîn leit daz muote in harte.

ein lant daz heizet Parte,

nicht ohne Rache bliebe. 

Er hatte dort alsbald

mit Verwandten und Vertrauten gesprochen,

damit er durch ihren Rat

hilfsbereiten Trost erhalte

und damit er vom Zorn erlöst würde,

den er damals in sich trug 

und der ihm nahe am Herzen lag.

Sein Leid lastete schwer auf ihm.

In ein Land namens Parte

11431-11440

swær unde bitter ungehabe.

im was an im gegangen abe

helf unde stiure bî den tagen.

iedoch sô wolt er niht vertragen

dem künige Lâmedône,

daz er sô rehte unschône

wart von im gehandelt.

sîn muot was unverwandelt

an ritterlicher stætikeit,

dâ von enwolt er sîniu leit

voll von Kummer und Bitterkeit. 

Es fehlte ihm nun Halt und Hilfe,

die er an ihm verloren hatte.

Dennoch wollte er dem König

Lamedon nicht vergeben,

dass er derart schäbig

von ihm behandelt wurde.

Seine Absicht war fest

auf ritterliche Standhaftigkeit gerichtet;

dementsprechend wollte er, dass sein Leid

11421-11430

und ir helfe würde schîn

alsô, daz er die swære sîn

mit hôhen creften widertribe,

daz ungerochen niht belibe

an Lâmedône diu geschiht,

daz er vor sîner veste niht

in lie geruowen noch entweln.

Jâsônes tôt begunde in queln,

wan er im an sîn herze gienc.

durch in gewan er und enpfienc

und ihre Hilfe erzeigen mögen

und zwar so, dass er seine Schmach

mit großer Macht rückgängig mache,

damit Lamedon für diese Angelegenheit

zur Verantwortung gezogen werde;

nämlich: dass er nicht bereit war, ihn vor seiner Burg

lagern und ruhen zu lassen. 

Jasons Tod hatte ihn tief getroffen 

und quälte ihn.

Dadurch war er außer sich,

11411-11420

ze mâgen und ze kunden

und clagte in bî den stunden

die schemelichen smâheit,

die sîn lîp vor Troye leit,

dô man in dannen jagte.

nû daz er in geclagte,

swaz in geschach dâ vor der stat,

dô mant er si des unde bat

vil sêre und ouch vil tiure,

daz im ir aller stiure

zu Verwandten und Vertrauten

und beklagte dann

die schändliche Schmach,

die er vor Troja erlitt,

als man ihn fortjagte. 

Als er ihnen gegenüber über all das geklagt hatte,

was ihm vor der Stadt passiert war,

da bat er sie inständig und eindringlich

und forderte sie dazu auf,

dass sie alle ihm ihre Unterstützung  

11401-11410

und wart dar ûf gedenkende,

daz er si würde krenkende

an êren und an guote.

im wart des wol ze muote,

daz er sîn ritterlichez leben

dem tôde wolte hân gegeben,

ê daz diu selbe swære

gerochen niht enwære

von sîner ellentrîcher hant.

er fuor in aller Kriechen lant

und er setzte sich in den Kopf,

dass er sie an Ansehen und Besitz

strafen wolle.

Er war gewillt,

sein herrliches Leben

dem Tod anheim zu geben,

wenn er nicht eben jene Schmach

mit tapferer Hand

würde rächen können. 

Er zog in alle Länder der Griechen,

11391-11400

Nû was Jâson gelegen tôt,

dâ von liez er sîn leit dur nôt

gar ungerochen dô bestân.

dar umbe wolte doch niht lân

sîn friunt, der biderbe Ercules.

er wart vil inneclichen des

ermant, daz im geschehen was.

ze herzen slôz er unde las

daz laster und daz ungemach,

daz von Troiæren im geschach,

Da nun Jason tot war,

ließ er sein Leid gezwungenermaßen

ungerächt und die Sache auf sich beruhen.

Dennoch wollte sein tatkräftiger Freund, Herkules,

die Sache nicht ruhen lassen.

Das, was ihm geschehen war,

blieb in seinem Innern gegenwärtig.

In seinem Herzen barg und sammelte er

die Schmach und und das Leid,

dass die Trojaner ihm zugefügt hatten,

11381-11390

und Hercules gehiezen,

daz si des niht enliezen

ungerochen under in,

daz si von Troye wurden hin

getriben, als ir hânt vernomen.

si wâren über ein des komen

mit triuwen und mit ræten,

daz si noch widertæten

die smâheit, die vor sîner stete

in Lâmedon der künic tete.

und Herkules sich schworen,

dass sie beide das nicht

auf sich sitzen lassen wollten,

dass sie von Troja vertrieben wurden,

wovon ihr schon gehört habt. 

Sie waren im gegenseitigen Einverständnis

zum wohlüberlegten Entschluss gelangt,

dass sie die Schmach 

wiedergutmachen würden, die ihnen 

König Lamedon vor seiner Stadt zugefügt hatte. 

11371-11380

geschicken alters eine,

doch ist mîn wille reine

und mîn gemüete veste

dar ûf, daz ich daz beste

mit allen dingen hie getuo.

vil gerne vlîze ich mich dar zuo,

daz ich var ûf gelimpfes spor.

daz mære, daz ich liez hie vor,

daz wil ich aber grîfen an,

wie Jâson der küene man

nur wenig zustande bringe;

doch habe ich einen reinen Willen

und das feste Bestreben,

hier in jeder Hinsicht

alles so gut wie möglich zu tun.

Mit größtem Vergnügen bemühe ich mich darum,

den Pfaden der Angemessenheit zu folgen.

Die Geschichte, die ich zuvor sein gelassen habe,

die will ich erneut aufgreifen,

wie nämlich Jason, der kühne Mann

11361-11370

Jâsônes grimmeclicher tôt.

ich hân mit rede grôze nôt

mir selber ûz gesundert,

ob mîn noch wæren hundert,

wir hæten kumbers gnuoc dâ mite,

daz wir nâch lobelichem site

diz werc zeim ende bræhten

und ez sô wol bedæhten,

daz prîs und êre læge dran.

swie cleine ich aber guotes kan

Jasons schrecklichen Tod zu beklagen. 

Ich habe mir durch die Wahl der Erzählung

eine große Last eingebrockt.

Und wenn es auch hundert von mir gäbe,

hätten wir mehr als genug Schwierigkeiten damit,

dieses Werk mit Anstand

zu einem Ende zu bringen

und es so gut auszustatten, 

dass es über Lob und Ansehen verfügte. 

Mag sein, dass ich von einer solch guten Sache

11351-11360

hie lân belîben under wegen,

wie der vil hôchgeborne degen

beweinet würde bî der zît.

und war Mêdêâ kæme sît,

daz wirt ouch von mir hie verswigen.

des heldes clage lâz ich ligen,

die man dur in des mâles truoc;

wan ich hân anders wol sô gnuoc

ze künden und ze sagene,

daz mir niht touc ze clagene

hier und jetzt nicht darlegen,

auf welche Weise der Held edler Abstammung

damals beweint wurde.

Und was mit Medea nach passiert,

auch das wird von mir hier und jetzt nicht erzählt. 

Auf die Klage um den Helden verzichte ich,

die man damals anstimmte,

denn ich habe wahrlich genug anderes

zu verkünden und zu erzählen, 

so dass es mir nicht ansteht, 

11341-11350

der keinen wandel nie begie,

wan disen einen, daz er die

verkôs durch sîne unstæte,

diu gar mit triuwen hæte

geminnet und gemeinet in.

daz er sô jæmerlichen hin

gezücket von dem tôde wart,

daz clag ich durch die reinen art,

der an im lac sô rehte vil.

von schulden muoz ich unde wil

er, der immer standhaft war,

nur dieses eine Mal nicht, als er 

diejenige durch seine Unbeständigkeit verschmähte, 

die ihm mit ganzer Treue

zugtan war und ihn liebte. 

Dass ihn der Tod so kläglich 

hinweggerissen hat,

das beklage ich wegen der makellosen Abstammung,

die sich bei ihm so stark zeigte.

Aus guten Gründen muss und werde ich

11331-11340

daz minneclîche wîp gewan.

ir lîp ze pulver dâ verbran

und nam ein ende schiere.

ouch wart Jâson der ziere

verbennet in dem fiure.

mit bitterlicher siure

wart sîner süezekeite leben

dem tôde bî der zît gegeben.

Sus nam ein ende bitter

Jâson der werde ritter,

keinen Schutz vor dem Feuer finden konnte.

Ihr Körper verbrannte dort zu Asche

und ihr Leben ging schnell zuende.

Auch der herrliche Jason

verbrannte in dem Feuer.

Mit Schärfe und Bitterkeit

wurde sein Leben in Süße

damals dem Tod überantwortet.

So nahm Jason, der angesehene Ritter,

ein bitteres Ende;