25770-25779

der Kriechen her gemeine,

daz dannoch was dort hinden,

daz liez sich allez vinden

in sîner ritterlicher pflege.

bald ûf des wilden wâges wege

kam er hin zuo geflozzen

und als ein pfîl geschozzen

mit sînen kielen an daz lant.

des kêrte er an den strît zehant

alsam ein helt verwâpent wol.

Das gemeinsame griechische Heer, das zu diesem Zeitpunkt noch dort hinten war, das war komplett in seiner ritterlichen Obhut. Auf dem wilden Meeresweg floss er eilig herbei und wie ein Pfeil schoss er mit seinen Schiffen an das Ufer und griff sogleich in den Kampf ein, so wie es sich für einen gut gewappneten Helden gehört. 

25760-25769

si brâhten unde kêrten

die Kriechen aber ûf die fluht,

sô daz ir manicvalt genuht

mit vrechen henden unverzaget

hin zuo den kielen wart gejaget.

Dâ muosten si ze nœten komen.

nû kam ein ritter ûz genomen,

geheizen Dolamîdes.

für wâr sult ir gelouben des,

daz er niht fuor aleine.

Sie schlugen die Griechen abermals in die Flucht, sodass sie in Hülle und Fülle – von kühnen, mutigen Händen – hin zu den Schiffen gejagt wurden. Es konnte nicht ausbleiben, dass sie dort heftig in Bedrängnis gerieten. Nun kam ein überragender Ritter namens Dolamides. Ihr könnt mir glauben, dass er nicht allein unterwegs war.

25750-25759

des wart ze tôde maniger wunt,

der verlust von in gewan.

ouch gulten si mit mangem man,

den si dô brâhten in den kreiz.

Troiæren wart ûf kampf sô heiz,

dur daz Effimenîs verdarp,

daz balde ir hant nâch prîse warp

unde erzürnet wart ir muot.

der geste leben unde ir bluot

verguzzens’ und verrêrten.

Viele, denen sie Schaden brachten, wurden tödlich verletzt – und ebenso bezahlten sie mit vielen Männern, die sie dorthin auf das Schlachtfeld gebracht hatten. Weil Effimenis gestorben war, brannten die Trojaner darauf, zu kämpfen, um dann alsbald Ruhm zu erwerben – sie waren in Zorn geraten. Das Leben der Fremden und deren Blut verspritzten und vergossen sie. 

25740-25749

ir zimier unde ir wâpencleit

wil ich mit rede niht verheln.

in eime schilte rôt von keln

fuorten si, geloubent mirz,

von zobel einen swarzen hirz,

der zwischen dem gehürne sîn

truoc eine krône guldîn,

gesteinet unde gewieret.

si kêrten wol gezieret

ûf die von Troie bî der stunt,

Von ihrem Helmschmuck und dem Überwurf über ihre Rüstung will ich nicht schweigen. In einem Schild mit rotem Kehlstück führten sie, das könnt ihr mir glauben, einen schwarzen Hirsch aus Zobel, der zwischen seinem Gehörn eine goldene Krone aus eingelegten Edelsteinen trug. Schön geschmückt trafen sie zu dieser Zeit auf die Leute aus Troja. 

[Lexer zu »kel«: »bes. in der heraldik das rotfarbige kehlstück eines pelzes«] 

25730-25739

nû kam eht aber dô zehant

ein her, daz im dâ tet gedon.

der künic Agamennon

und Menelaus der bruoder sîn,

die zwêne tâten helfe schîn

den Kriechen zuo dem mâle.

si kâmen sunder twâle

mit ir kielen zuo dem stade

und îlten an den strît gerade

mit ir liuten wol bereit.

Nun kam aber dort sogleich ein Heer, das ihnen Mühe machte. Der König Agamemnon und sein Bruder Menelaus kamen den Griechen zu Hilfe. Sie kamen sogleich mit ihren Schiffen an das Ufer und beeilten sich, mit ihren sorgsam ausgerüsteten Leuten in den Kampf einzugreifen.

25720-25729

Troiære nâmen in zehant

und fuorten in mit jâmer în.

si truogen siuftebæren pîn

von des herzogen valle.

ze strîte wurden alle

gereizet dâ dur sînen tôt.

ze kampfe wart in alsô nôt,

daz si dâ mangen Kriechen

tôtwunden unde siechen

begunden vellen ûf daz lant.

Sogleich nahmen sich die Trojaner seiner an und trugen ihn mit Trauer und Klagen hinein in die Stadt. Leid und Jammer hatte sie erfasst wegen des Tods des Herzogs. Durch seinen Tod wurden alle zum Kampf angespornt – und sie stürzten sich so sehr in den Kampf, dass dort viele Griechen verletzt und – zu Tode verwundet – zu Boden gefällt wurden.   

25710-25719

alsô daz im diu hirneschal

und der gebel spielten:

dâ von Troiære wielten

vil herzeclicher swære.

Effimenîs der mære

seic nider ûf den grüenen clê,

sus wart er von Ulixê

beroubet sînes lebetagen,

daz maniger dô begunde clagen,

dem sîn tugent was erkant.

sodass ihm die Hirnschale und der Schädel gespalten wurden, wodurch die Trojaner von heftigem Leid ergriffen wurden. Effimenis, der Berühmte, sank nieder auf den grünen Klee, von Odysseus seines Lebens beraubt, was dort viele beklagten, die wussten, dass er tüchtig und vortrefflich gewesen war. 

25700-25709

daz beste, daz ein heiden

an sîner sîten ie getruoc:

mit dem sô traf er unde sluoc

Effimenîsen durch den helm

sô vaste, daz des fiures melm

dar ûz begunde wischen

und man sich drunder mischen

daz rôte bluot geswinde sach.

daz swert daz dranc im unde brach

durch daz houbet hin ze tal,

das beste Schwert, das ein Heide ja an seiner Seite getragen hat. Mit diesem Schwert traf er Effimenis und schlug so fest durch seinen Helm, dass daraus Funken stoben und man sah, wie sich darunter rasch rotes Blut ansammelte. Das Schwert drang in den Kopf und brach hindurch, 

25690-25699

und dô der helt Ulixes

den fürsten alsô vehten sach,

dô reit er zuo im unde brach

mit vîentliches herzen ger

ûf im enzwei sîn starkez sper.

Den schilt spielt er im und zerkloup,

sô daz dâ von diu varwe stoup

und er sich brach ze stücken.

dar nâch begunde er zücken

ein swert ûz sîner scheiden,

Als nun Odysseus, der Held, den Fürsten derart kämpfen sah, ritt er zu ihm und brach, mit Feindschaft ihm Herzen, auf ihm seine mächtige Lanze entzwei. Den Schild spaltete und zerhieb er ihm, sodass die Farbe davonflog und er ihn Stücke zerfiel. Danach zückte er ein Schwert aus seiner Scheide –  

25680-25689

werlîche schielt er ûz dem sê

mit kielen und mit barken.

er kam ûf eime starken

orse balde hin geflogen

und îlte zuo dem herzogen

Effimenîse sâzehant,

den er behaft mit strîte vant

als einen man, der strîtes gert.

sîn edel und sîn kürlich swert

enschônte weder dis noch des.

Wehrhaft stieß er mit Schiffen und Booten vom Meer an Land. Auf einem starken Pferd flog er heran und beeilte sich, sogleich zum Herzog Effimenis zu kommen, den er, wie es sich für einen Mann gehört, der auf Kampf aus ist, in Kämpfe verwickelt fand. Sein edles, ausgezeichnetes Schwert schonte weder dies noch das.

25670-25679

gewarnet zuo dem strîte wol

kam er gesprenget ûf daz lant.

er fuorte ein stehelîn gewant,

daz hete spiegelvarwen schîn.

daz ellentrîche herze sîn

bran sêre ûf die von Troie.

sîn schilt reht als ein gloie

was gemâlet wol gevar,

dar inne stuont ein adelar

wîz als ein niuwevallen snê.

Er, der auf den Kampf tadellos vorbereitet war, galoppierte an Land. Ein stählernes Gewandt trug er, das spiegelblank war. Wegen der Trojaner war sein tapferes Herz heftig entzündet. Sein Schild war wie eine Schwertlilie mit schönen Farben bemalt; darin war ein Adler zu sehen, weiß wie frisch gefallener Schnee.

25660-25669

dâ nidervellent mit genuht,

sus kunde er liute rêren.

er wolte manigen sêren,

noch wolte in niht benüegen des.

hier under kam Ulixes

mit sînen kielen zuo gevarn.

er sach, daz an der Kriechen scharn

Effimenîs gienc wunder an,

dâ von der hôchgelopte man

wart leides unde zornes vol.

ringsum niederwirft, so brachte er die Leute zu Fall. Er war darauf aus, viele zu verwunden – doch reicht ihm das noch nicht. Währenddessen kam Odysseus mit seinen Schiffen herbei. Er sah, dass Effimenis im griechischen Heer Wundertaten vollbrachte, und das machte den hochgelobten Mann zornig.  

25650-25659

mit lîbe und mit gebâre,

warp dâ nâch hôhem prîse.

ein löuwe nâch der spîse

in hungernœte nie geranc

sô sêre, als er nâch lobe dranc

mit herzen und mit creften.

der Kriechen ritterscheften

was er ein übel nâchgebûr.

alsam der hagel und der schûr

daz obez und der boume fruht

strebte dort mit Leib und Tat nach hohem Ansehen. Ein hungernder Löwe hat nie so sehr um Nahrung gekämpft wie Effimenis mit Herz und Hand um Ruhm. Den griechischen Rittern war er ein übler Nachbar. So wie ein Hagel und Gewitterschauer das Obst und die Frucht der Bäume 

25640-25649

er schuof mit sîner hende frevel,

daz maniger schadehaft beleip.

Troiære brâhte er unde treip

ze grimmer sorgen âhte.

wan daz in helfe brâhte

der fürste, Effimenîs genant,

sô wærens’ aber dô zehant

gar flühtic zuo der stat getriben,

ald aber tôt aldâ beliben.

Effimenîs, der clâre

Unerschrocken fügte er persönlich vielen Gegnern Schaden zu und er sorgte dafür, dass die Trojaner in furchtbare Sorgen gerieten. Wäre ihnen nicht der Fürst Effimenis zu Hilfe gekommen, hätte man sie entweder getötet oder sogleich zur Flucht getrieben, zurück zu der Stadt. Der strahlende Effimenis

25630-25639

und endelôsez trûren haben

dur mîne werde liute.

doch wirt gerochen hiute

ir verch von mîner hende,

ald ich wil schiere ein ende

begrîfen unde enpfâhen.«

alsus begunde er gâhen

enmitten in der vînde schar,

dar în flaht er sich unde war,

als in daz warf sich wirret wevel.

und unaufhörlich trauern um meine edlen Leute. Doch wird heute ihr Leben durch meine Hände gerächt werden, oder ich will hier bald zugrunde gehen.« Mit diesen Worten stürzte er sich mitten hinein in die Schar der Feinde, wickelte und flocht sich hinein, so wie das Garn die Zettel eines Webstücks durchschießt.

[Eine Stelle für Freunde der Weberei: »warf« = »aufzug des gewebes, zettel zu einem webstücke«, »wevel« = »garn das auf spulen ins weberschiffchen kommt um damit den zettel zu durchschießen«.]  

25620-25629

daz Helenâ Pârîsen ie

gesach mit liehten ougen,

daz hân ich sunder lougen

mit schedelicher stiure

vergolten hie vil tiure.

Ich hân hie manigen helt verlorn,

der mir ze dienest was geborn

mit liuterlichen triuwen.

ich muoz in herzeriuwen

êweclichen sîn begraben

Dass es dazu kam, dass Helena Paris mit strahlenden Augen sah, dass habe ich zweifellos mit schadenbringender Hilfe hier sehr teuer bezahlt. Ich habe hier viele Helden verloren, die mit makelloser Treue dafür geboren wurden, mir Dienst zu tun. Ich werde ewig in tiefen Schmerzen begraben sein

25610-25619

ich brâhte her wol hundert

kiele ritterschefte vol

und ûf den strît gezieret wol,

der bin ich aller worden vrî.

wer sol mir hie mit helfe bî

gestân ûf anger unde ûf wisen,

ensihe ich weder den noch disen,

der ûz durch mich von lande schiet?

owê mir aller mîner diet,

wie bin ich der verweiset hie!

Ich habe gut hundert Schiffe voll Ritter hierher gebracht und für den Kampf ordentlich ausgerüstet – und sie alle sind jetzt fort. Wer wird mir hier, auf Feld und Wiesen, hilfreich zur Seite stehen, wenn ich niemanden mehr sehe, der wegen mir aus seinem Land aufgebrochen ist? Oh weh, wie steh ich hier allein, ohne alle meine Leute?

25600-25609

Protheselaus, der zuo dem stade

was zem êrsten ûz gevarn,

der wart von sîner liute scharn

mit jâmer dâ gescheiden.

dem ûz erwelten heiden

wart al sîn ritterschaft erslagen,

die muoste wol von schulden clagen

der werde künic lobelich.

»owê mir«, sprach er, »wie bin ich

von mîner schar gesundert.

Protheselaus, der als erster am Ufer angekommen war, der wurde dort von der Schar seiner Leute – und zu deren Jammer – getrennt. Dem hervorragenden Heiden wurde seine gesamte Ritterschar erschlagen, die er, der lobenswerte König, mit Fug und Recht beklagte. »Oh weh«, sagte er, »dass ich von meiner Schar getrennt bin.