13470
den Kriechen ab den ougen,
die sîner helfe wellent gern.
si müezent sîn vor Troye enbern,
sît daz mir ist von im geseit,
daz er dâ werde tôt geleit.
13475
Die rede treip dô wider sich
Thêtis diu frouwe minneclich
und wart alsus ze râte,
daz si dâ wolte drâte
nâch ir sune Achillen varn.
13480
sîn leben dâhte si bewarn
und sînen wunneclichen lîp.
daz werde hôchgeborne wîp
wolte sînes schaden beviln;
des fuor si dan mit ir gespiln
13485
nâch dem juncherren alzehant.
Thessâliam daz wilde lant
begunde si dô schouwen
und kam mit ir juncfrouwen
gestrichen für Schyrônes hol,
13490
der minneclichen unde wol
enpfienc dar vor die künigîn.
er fuorte si mit im dar în
und bôt ir zuht und êre,
wan er sich vröute sêre
13495
von ir clâren angesiht.
Achilles was dâ heime niht,
dô sîn muoter kam alsus.
er und sîn friunt Patroclus,
der sîn trûtgeselle was,
13500
ze walde wâren, als ich las,
geloufen bî den stunden.
swaz si dâ wildes funden,
daz wart gevellet von in zwein.
ze nâht sô brâhten si dâ hein,
13505
swaz si des tages viengen.
si clummen unde giengen
über mangen hôhen vlins.
der walt der muoste in geben zins,
von manger hande tiere:
13510
des wurden si vil schiere
von ir snellekeit gewis.
und dô diu frouwe Thêtis
in Schyrôneshol gesaz,
mit ir ougen si dô maz
13515
die clûsen und den stein iesâ.
si nam des war, ob iender dâ
ir sun Achilles wære.
nû daz diu wunnebære
des juncherren dô niht kôs,
13470
und vor den Augen der Griechen verborgen halten,
die seine Hilfe gerne bekämen.
Sie müssen auf ihn vor Troja verzichten,
da mir über ihn gesagt wurde,
dass er dort den Tod finden wird.“.
13475
Diese Gedanken trieben
die edle Herrin Thetis an
und sie fasste den Entschluss,
schnell zu ihrem
Sohn Achilles zu fahren.
13480
Sie dachte nur daran, sein Leben und
seinen liebreizenden Körper zu bewahren.
Die edle, hochgeborene Frau
wollte seinen Schaden abwenden,
deshalb fuhr sie mit ihren Hofdamen
13485
sofort zu ihrem Jungen.
Sie konnte bald das wilde Land
Thessalien erblicken
und kam mit ihren Edelfrauen
bald zu der Höhle von Cheiron,
13490
der die Königin davor
freundlich und höflich empfing.
Er führte sie hinein
und gebot ihr Anstand und Ehre,
da er sich sehr
13495
an ihrem schönen Anblick erfreute.
Achilles war nicht zuhause,
als seine Mutter ankam.
Er und sein Freund Patroklos,
der sein bester Freund war,
13500
waren zu dieser Zeit im Wald,
wie ich gelesen hab.
Alles Wild, das sie dort aufspürten,
wurde von den Beiden erlegt.
Am Abend brachten sie nach Hause,
13505
was sie tagsüber gefangen hatten.
Sie erklommen und überwanden
so manchen hohen Felsen.
Der Wald musste ihnen manchen Zins
an wilden Tieren zahlen.
13510
Dies geschah aufgrund ihrer Geschicklichkeit
in kurzer Zeit.
Als Thetis deweil
in der Cheironhöhle saß,
ließ sie ihren Blick sogleich über die
13515
Klause und den Stein schweifen.
Sie wollte wissen, ob irgendwo
ihr Sohn Achilles wäre.
Da die Holde
ihren Jungen dort nicht fand,
Keine Kommentare:
Kommentar veröffentlichen